Għawdex
Stedina biex il-pubbliku jara x-xini Feniċju fix-Xlendi

Nhar il-Ġimgħa filgħaxija l-pubbliku għall-ewwel darba se jkollu ċ-ċans jesperjenza x-xini Feniċju li jinsab mgharraq l’barra mx-Xlendi permezz tat-teknoloġija tar-realtà virtwali. Sadanittant qed ikompli l-iskavi mill-arkeologi fuq dan is-sit meqjus ta’ importanza kbira.

Tgħoddhom fuq id waħda dawk li s’issa kellhom l-opportunità u l-permess li jgħumu fuq ir-relitt tax-xini Feniċju tax-Xlendi u madwaru…. ilkoll arkeologi jew għaddasa ta’ esperjenza u mħarrġa apposta, kemm minħabba l-importanza tas-sit kif ukoll minħabba l-fond li jinsab fih. Iżda issa grazzi għat-teknoloġija tar-realtà virtwali kulħadd se jkollu l-opportunità jesperjenzawh – anki dawk li ma jafux jgħumu.

Permezz ta’ stallazzjoni fil-pjazza tax-Xlendi, u bl-użu ta’ nuċċali apposta, il-pubbliku se jkollu ċ-ċans jogħdos virtwalment fuq is-sit u l-fdalijiet tax-xini inkluż il-gverta, l-anfori u fuħħar ieħor. L-opportunità se tingħata nhar il-Ġimgħa li ġej – lejliet festa.

Dettalji dwar dan kollu ingħataw hekk kif it-tim internazzjonali ta’ arkeologi u esperti – immexxi mill-Professur Timmy Gambin – żaru lill-Ministru għal Għawdex Justyne Caruana.

Ir-relitt instab fl-2007 u din hija s-sitt sena konsekuttiva li l-arkeologi qed jinżlu fuqu għal ġimgħa sħiħa ta’ studji, rkupri u analiżi.

Din kienet sejba uniku li qanqlet interess kbir fost l-istoriċi u anke fost il-pubbliku Malti. Sejba li kienet possibbli bil-ħidma tal-Università ta’ Malta u li nżammet mistura mill-baħar għal tant snin sempliċement għax tinsab f’fond ta’ aktar minn mitt metru.

Għall-arkeologi s-sejba kienet importanti għax tat ħafna tweġibiet filwaqt li qanqlet mistoqsijiet oħra. Għal Għawdex hija attrazzjoni oħra li turi li l-gżejjer Maltin kienu fuq ir-rotot kummerċjali ewlenin ta’ 2,700 sena ilu.

Aħbarijiet Oħra
Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

COVID-19

Is-Supretendent tas-Saħħa Pubblika, Charmaine Gauci, qalet li s-sitwazzjoni tal-Covid-19 kienet ikkontrollata f’Malta, fejn għalkemm ħafna nies inżammu d-dar iżda tpoġġew fi kwarantina. Semmiet il-fatt li l-RT erġajna niżżilniha, u din…

COVID-19

Id-Deputat Prim Ministru u Ministru għas-Saħħa Chris Fearne qal li l-pajjiż rebaħ il-gwerra kontra l-Covid-19. F’konferenza tal-aħbarijiet Dr Fearne qal li ma jfissirx li għax pajjiżi oħra għadhom fil-gwerra, Malta…

Aktar