Lokali
Il-Fondazzjoni Agara tirbaħ il-Premju Żagħżugħ 2017

Il-Fondazzjoni Agara hija r-rebbieħa tal-Premju Żagħżugħ 2017.

Il-grupp Fondazzjoni Agara ġie mwaqqaf fl-2014 wara li żewġ żgħażagħ kellhom esperjenza ta’ volontarjat fl-Etjopja u ddeċidew li jiftħu iżjed il-ħidma volontarja tagħhom u jesploraw metodi moderni fil-qasam tal-volontarjat u t-teknoloġija.

Fl-Etjopjan, l-isem Agara jfisser “Nimxu Flimkien”, u dan huwa rifless kemm fl-eblema kif ukoll fil-viżjoni tal-grupp, għax l-għan tiegħu huwa li jimxi flimkien ma’ individwi jew komunitajiet diversi bla ebda diskriminazzjoni jew distinzjoni.

Agara jissapportjaw komunitajiet madwar id-dinja, fosthom fil-Kenja, fl-Etjopja, fil-Libanu,fir-Rumanija, fil-Perù kif ukoll f’Malta stess.

Il-Fondazzjoni taħdem bis-sħiħ biex toħloq kuxjenza u jwasslu l-vuċi ta’ dawk li jinsabu f’minoranzi jew ta’ dawk li l-dinjità tagħhom mhix tiġi mħarsa u rispettata kif jixraq lill-umanità.

Dan il-Premju, li ngħata mill-President ta’ Malta Marie Louise Coleiro Preca, huwa organizzat mill-Moviment Kerŷgma.

Il-President Marie-Louise Coleiro Preca ferħet liż-żgħażagħ u l-Moviment Kerygma għall-organizzazzjoni ta’ dan l-avveniment annwali fejn jesponu il-ħidma volontarja ta’ tant żgħażagħ.

Hija qalet li l-parteċipanti kienu qed jagħmlu l-missjoni li tana Ġesù billi jagħtu ħajjithom għal ħaddieħor. Saħqet li bl-eżempju tagħhom kienu qed juru li jimpurtahom minn xulxin u minn min hu fil-bżonn. Żiedet tgħid li huma kienu qed iservu ta’ pedament għas-soċjetà Maltija biex jibqa’ jgħix fi spirtu ta’ mħabba u paċi.

Iż-żgħażagħ nominati għal dan il-Premju kienu: Agara Foundation, Ryan Attard mill-Fgura, Felicienne Cini miż-Żebbuġ, Għawdex, Martina Fenech mill-Mosta, Mellieħa Youth u Matthew Theuma mil-Għarb, Għawdex.

Aħbarijiet Oħra
Politika

Mark Anthony Sammut, li kien qed jissemma bħala kandidat għall-elezzjoni ta’ Kap tal-Partit Nazzjonalista, ħabbar li mhuwiex se jikkontesta għal din il-kariga. Fuq Facebook, Mark Anthony Sammut kiteb illi huwa…

Politika

Il-Membru Parlamentari Therese Comodini Cachia ħabbret li mhux se tikkontesta għat-tmexxija tal-Partit Nazzjonalista. F’kitba fuq il-mezzi soċjali, Dr Comodini Cachia qalet li filwaqt li tinsab konvinta li l-PN għandu bżonn…

COVID-19

Is-Supretendent għas-Saħħa, il-Professur Charmaine Gauci mistennija tindirizza konferenza stampa dwar is-sitwazzjoni tal-Covid-19 f’Malta fis-13:00. Mil-lum, il-Professur Gauci se tibda mill-ġdid tagħti lill-pubbliku rendikont tal-imxija f’pajjiżna kull nhar ta’ Ġimgħa.

Lokali

Il-Prim Ministru Robert Abela u d-Deputat Prim Ministru Chris Fearne indirizzaw aġġornament tal-aħbarijiet dwar il-laqgħa mal-MCESD fejn qalu li kienet waħda pożittiva bi bżonn għal aktar diskussjoni biex jintlaħaq ftehim…

Aktar