Lokali
Stephanie Rapa kienet spiżjara dedikata u bdiet il-kors għal tabiba

It-toroq ħallew 18-il vittma din is-sena f’16-il inċident differenti.  L-aħħar vittma hija Stephanie Rapa ta’ 30 sena miż-Żurrieq.

Hija kienet spiżjara fl-ispiżerija ta’ San Ġwann, fejn nies li jafuha qalu lil tvm.com.mt li kienet ferriħija u tipprova tgħin lil kulħadd.  Kollegi tagħha kitbu dwarha fuq Facebook u qalu kif minn dejjem kienet persuna dedikata f’xogħolha u entużjasta f’dak kollu li kienet tagħmel.

tvm.com.mt huwa infurmat li hija kienet bdiet il-kors fil-Fakultà tal-Mediċina biex issir tabib, iżda d-destin tagħha wassal biex ilbieraħ ittajret minn karozza meta kienet qed taqsam mit-triq tax-Xatt tal-Gżira.

Xhieda fuq il-post qalu lil tvm.com.mt li semgħu break qawwi u fil-fatt fit-triq kien hemm marki tal-break ta’ madwar 40 metru.  Rapa spiċċat mixħuta mal-art bi ġrieħi gravi u għalkemm ittieħdet l-isptar b’ambulanza mietet ftit wara.

Il-vettura nvoluta fl-inċident kienet qed tinstaq minn raġel ta’ 40 sena li joqgħod is-Swieqi. Fuq il-każ infetħet inkjesta mill-Maġistrat tal-Għassa Doreen Clarke.

 

Ara wkoll:

FILMAT: Mara tmut wara li ttajret minn karozza fix-xatt tal-Gżira

Aħbarijiet Oħra
Lokali

Ingħalaq għalkollox is-sub post office tal-Maltapost fi Triq Ċensu Busuttil fl-Iklin. Dan ħabbitu l-kumpanija Maltapost, li fi stqarrija qalet li l-klijenti li kienu jinqedew mill-Iklin issa jridu jmorru fin-Naxxar. L-uffiċċju…

Lokali

Il-Partit Laburista qal li dd-deputat tal-Partit Nazzjonalista, Karol Aquilina, b’għemilu wera li ma jafx x’inhi governanza tajba. Fi stqarrija l-PL irrefera għall-mistoqsija parlamentari mwieġba lbieraħ, li qal uriet li fil-jum…

Lokali

Bejn Ġunju u Diċembru tal-2017, Transport Malta ħarġet total ta’ €144,475 f’multi li jikkoncernaw il-puntwalità u affidabilità lill-operatur tat-trasport pubbliku. Dan ħareġ wara li l-Ministru għat-Trasport Ian Borg wieġeb mistoqsija…

Lokali

65 persuna fil-Faċilità Korrettiva ta’ Kordin gawdew mis-sistema tal-parole fl-aħħar tliet snin. Dan intqal mill-Ministru għall-Intern u Sigurtà Nazzjonali Michael Farrugia għall-mistoqsija tad-deputat Nazzjonalista Chris Said. Il-Ministru Farrugia qal illi…

Aktar