Studenti fis-Siġġiewi jiċċelebraw il-Jum Dinji tat-Tfal b’sorpriża għal sħabhom

Sorpriża ħelwa għall-istudenti tal-iskola primarja tas-Siġġiewi. Kienu ftit persuni li kienu jafu x’se jiġri.

Krew ta’ tvm.com.mt kien mistieden għal din l-attività dalgħodu, li wkoll kellu jilgħab parti mil-logħba u ma nikxfux għala konna hemm.

Id-dritt għall-ikel adegwat, ir-responsabbiltà li wieħed ma jaħlix ikel u d-dritt għal ambjent nadif kienu wħud mill-messaġġi li klassi ta’ studenti tas-sitt sena tal-Iskola Primarja Kulleġġ San Injazju tas-Siġġiewi wasslu lill-istudenti l-oħra f’attività sorpriża li saret il-Ħamis filgħodu.

Kienu biss l-istudenti u l-għalliema ta’ din il-klassi, flimkien mal-amministrazzjoni tal-iskola, li kienu jafu x’se jiġri waqt l-assembly ta’ filgħodu meta saret is-sorpriza permezz ta’ flashmob bil-kanzunetta “Where is the Love?”.

Din l-attività saret fl-okkażjoni tal-Jum Dinji tat-Tfal. Il-Konvenzjoni tan-Nazzjonijiet Magħquda dwar id-Drittijiet tat-Tfal, li Malta rratifikat fl-1990, tagħti lit-tfal id-drittijiet fundamentali tagħhom, li jinkludu d-dritt għall-edukazzjoni, iċ-ċittadinanza, il-familja, is-saħħa, il-parteċipazzjoni u mhux anqas id-dritt li jinstemgħu biex id-deċiżjonijiet li jittieħdu għalihom ikunu fl-aħjar interess tagħhom.

Aħbarijiet Oħra
Stejjer Umani

Huma ħafna l-Maltin li jkollhom seba’ mitt sena sakemm jasal is-sajf biex igawdu l-baħar u jqattgħu ġranet sħaħ jilagħqu x-xemx. Sa seba’ snin ilu, Fiona Sammut kienet waħda minnhom ….

Enerġija

Bil-limitazzjonijiet kbar tal-art għal solar farms, l-MCAST flimkien mal-Kunsill Nazzjonali tax-Xjenza u t-Teknologija qed ikompli jesperimenta dwar solar farms fil-baħar madwar Malta biex tiġi ġenerata l-enerġija mix-xemx. L-MCASTqal li dal-proġett…

Kronaka

Sid ta’ ħanut fil-Mosta qed jappella għall-informazzjoni wara li raġel illum waranofsinhar seraq mobile u ħarab jiġri. Fil-filmat, li nqabad minn kamera tas-sigurtà, jidher jidħol fil-ħanut dan ir-raġel. Ftit tal-ħin…

Lokali

Wara l-mewt traġika ta’ Jean Paul Bonnett kawża ta’ xokk elettriku waqt li kien qed jaħdem fuq karru għall-karnival, tħassru l-attivitajiet tal-karnival li kellhom isiru fi tmiem il-ġimgħa. Il-Ministeru għall-Ġustizzja,…

Aktar