Lokali
Studenti jħeġġu lil ommijiethom jagħmlu l-iscreening kontra l-kanċer

Hekk kif il-kanċer tas-sider jaffettwa anke lit-tfal ta’ ommijiet morda, l-iskola primarja fil-Mosta ħadet l-inizjattiva biex tissensibilizza anke l-istudenti biex huma wkoll ikunu aġenti fil-familja favur l-iscreening kontra l-kanċer tas-sider. F’attività għall-istudenti omm li fieqet mill-marda tal-kanċer għamlet appell emozjonali lit-tfal biex ħeġġithom jistinkaw mal-ommijiet biex ma jibżgħux jagħmlu l-eżami kontra l-kanċer.

Fl-iskola primarja tal-Mosta issieħbet fil-kampanja Pink October, biex tqanqlu kuxjenza fost it-tfal tal-istess skola biex ikunu huma stess li jħeġġu lill-ġenituri tagħhom jagħmlu l-iscreening li jista’ jaqbad lil dan il-kanċer fi stadju bikri u għalhekk jiġu evitati l-imwiet. B’attività fejn reġa’ ddomina l-kulur roża sinonimu mal-kampanja Pink October, it-tfal permezz ta’ poeżiji, kant, u reċtar wasslu l-messaġġ li hemm bżonn ta’ iktar għarfien biex in-nisa jilqgħu minn din il-marda kiefra, li hija l-iktar kanċer komuni li jaħkem lin-nisa f’Malta.

Studenti li tkellmu ma’ tvm.com.mt qalu li fl-iskola ġabru donazzjoni biex ikunu jistgħu jixtru xi affarijiet għax iridu iħennu għal dawk li għandhom il-kanċer ħalli jgħinuhom ifiqu. Studenta oħra qalet “jien naħseb li n-nisa maż-żmien għandhom jiċċekkjaw minħabba li din it-tip ta’ marda trid tiġi evitata minn nisa u rġiel, u l-iktar importanti li n-nisa imorru jiċċekkjaw darba f’sena”.

Student ieħor qal “li aħna t-tfal nistgħu nagħmlu d-differenza għax jista’ jkollna aħna xi darba”.

Fl-attività Therese Gerada li erba’ snin ilu kienet għaddejja mill-kanċer fis-sider appellat lit-tfal biex jgħidu lil ommhom u qraba nisa biex jiċċekkjaw lilhom nfushom regolarment. Is-sinjura Michelle Muscat, mart il-Prim Ministru li rringrazzjat lit-tfal għall-entużjazmu tagħhom.

Michelle Muscat qalet li “l-idea tagħna hi li nneħħu l-biża’ u nkunu konxji, din hija l-ġenerazzjoni futura li se tkun aħjar minna żgur”.

Minbarra fl-iskejjel, l-attività Pink October tissokta nhar il-Ġimgħa li ġej b’mixja minn Villa Bighi fid-9.30pm.

Aħbarijiet Oħra
Lokali

Il-President’s Trust, ix-xahar id-dieħel se tiftaħ it-tieni dar fil-komunità għal tfajliet ommijiet mingħajr saqaf fuq rashom. Il-President Marie-Louise Coleiro Preca ifformalizzat il-kollaborazzjoni mal-organizazzjoni Life Charity tal-Ingilterra li qed toffri l-assistenza…

Lokali

L-Awditur Ġenerali nnota li minkejja li żdiedu l-ispeċjalisti fid-Dipartiment tal-Outpatient tal-Isptar Mater Dei, il-ħin ta’ stennija għall-appuntamenti fl-outpatient għadu eċċessiv. L-Awditur Ġenerali qal li dawn iċ-ċirkostanzi ilhom ġejjin żmien twil,…

Lokali

Andre Bugeja ta’ 19-il sena u Massimo Fasanelli ta’ 18-il sena, it-tnejn minn Tas-Sliema, baqgħu miżmuma arrestati wara li tressqu l-Qorti mixlija li fil-lejl bejn it-8 u d-9 ta’ Settembru…

Lokali

Il-Kunsill Malti għall-Arti ppubblika l-applikazzjonijiet u r-regolamenti għal dawk li jixtiequ jipparteċipaw f’kompetizzjoni tal-presepji. Il-kompetizzjoni se tkun imqassma f’sitt sezzjonijiet, li jinkludu presepji mekkanizzati u dawk statiċi ta’ daqsijiet differenti….

Aktar