Lokali
Mara nieqsa mid-dawl tappella għall-mogħdrija tan-nies

Mara li tilfet id-dawl tmien snin ilu, appellat għall-mogħdrija tan-nies meta jaraw nies bħalha li jużaw il-bastun abjad biex jgħixu ħajja iktar indipendenti. Marcelle Cremona kienet fost għadd ta’ persuni nieqsa mid-dawl li ħadu sehem fil-mixja tal-għaqda għal persuni nieqsa mid-dawl fil-Belt Valletta fl-okażjoni tal-jum iddeddikat lill-Bastun Abjad.

Persuni nieqsa mid-dawl fil-jum iddedikat għall-bastun abjad li jissimbolizzaw persuni nieqsa mid-dawl ingħaqdu flimkien fil-Belt Valletta, biex iwasslu l-messaġġ fuq il-bżonn ta’ mogħdrija u kooperazzjoni mill-pubbliku ma’ persuni li huma nieqsa mid-dawl. Marcelle Cremona li tilfet id-dawl t’għajnejha kompletament tmien snin ilu stqarret ma’ TVM fuq kemm inbidlet ħajjitha minn nhar għal lejl minħabba l-kundizzjoni tagħha.

Marcelle Cremona qalet “ħajti nbidlet ħafna. Biss ngħid li m’għandhomx għalfejn jaqtgħu qalbhom, jiena waħda nagħmel kuraġġ, li dejjem sibt l-għajnuna minn sħabi”.

Rebecca Debono, li hija nieqsa mid-dawl, spjegat ma’ TVM li hi spiċċat b’diżabilità ħames snin ilu, u minkejja l-isfidi ssib iżda wkoll ħafna appoġġ minn sħabha.

Rebecca Debono qal “għamilt l-ewwel 3 years waqajt down għalkollox imma thank God qiegħda ma’ ħuti, it-tieni familja, magħqudin ħafna”.

Il-President tal-Għaqda għal Persuni Nieqsa mid-Dawl, Frans Tirchett qal li japprezza li fil-pajjiż qed isiru affarijiet fosthom bankini apposta biex permezz tal-bastun l-abjad ikunu jistgħu jsibu d-direzzjoni. Appella biex isiru aktar proġetti minn dawn.

Frans Tirchett qal “fil-pjazza tritoni l-Gvern għamlilna kanal biex il-bastun abjad iddaħħlu fil-kanal, tmur toilets jew parlament li jiswew ħafna dawk”.

Il-President Marie-Louise Coleiro Preca qalet li hemm bżonn ta’ iktar għarfien u anki ħidma biex persuni nieqsa mid-dawl jgħixu bid-dinjità li tixirqilhom. Qalet li f’Malta hawn mas-sebgħin student li huma nieqsa mid-dawl u li permezz ta’ The President’s Trust se jinxtralhom apparat li jgħinhom fil-proċess edukattiv tagħhom. Is-Segretarju Parlamentari għal Persuni b’Diżabilità, Anthony Agius Decelis faħħar l-ħidma tal-għaqda li dejjem ħadmet biex ittejjeb il-ħajja tal-persuni nieqsa mid-dawl.

Aħbarijiet Oħra
Saħħa

Kull sena madwar 150 persuna f’Malta jinstab li għandhom kanċer fil-pulmun, li wħud minnhom x’aktarx li qabel ikunu bdew jinnutaw sintomi tal-kundizzjoni, magħrufa bħala COPD, li hi assoċjata mat-tipjip, it-tniġġis…

Ekonomija u Finanzi

Il-baġits għall-2019 ta’ Malta u disa’ pajjiżi oħra Ewropej kisbu l-approvazzjoni tal-Kummissjoni Ewropea, filwaqt li l-Italja qed tissogra li taffaċċja azzjoni dixxiplinarja li tista’ twassal għall-multi, minħabba li qed tibqa’…

Politika

F’konferenza tal-aħbarijiet illejla, il-Kap tal-Partit Nazzjonalista Adrian Delia qal li l-Prim Ministru mhux qed jgħid il-verità, għax minn banda jgħid li ma jafx kontra min hemm inkjesta, u mill-banda l-oħra…

Aktar