Lokali
Studenti tal-Inġinerija jesebixxu l-proġetti tagħhom

Il-Fakultà tal-Inġinerija fl-Università ta’ Malta qed torganizza wirja bil-proġetti innovattivi li saru mill-istudenti fil-kors tal-Inġinerija. Ta’ kull sena din isservi ta’ pjattaforma biex l-inġiniera ta’ għada juru dak li jkunu tgħallmu tul erba’ snin ta’ studju permezz tal-proġetti li jkunu ippreżentaw għat-teżi.

Id-disgħin proġett li saru minn studenti tal-Fakultà tal-Inġinerija jvarjaw minn proġetti fil-qasam biomediku, enerġija li tiġġedded, prodotti elettroniċi, robotika, trasport u proċessi tal-manifattura fost affarijiet oħra. Il-Wirja tal-Proġetti tal-Inġinerija issir biex il-pubbliku japprezza aktar kif l-inginerija tigi applikata f’diversi setturi.

Fost oħrajn Matthew Joseph Vella għamel proġett dwar kif it-turbocharger itejjeb l-effiċjenza fil-karozzi.

Matthew Joseph Vella qal “f’dan il-każ bnejt sistema fejn tkun toħroġ il-performance charts tat-turbo charger biex tkun taf il-performance tal-particular turbocharger li għandek imqabbad mas-sistema. Għandu combustion chamber fejn prattikament l-exhaust gases li ġejjin minn hemmhekk jintużaw biex idawru t-turbina li mbagħad iddawwar il-compressor u ddaħħal l-arja ġewwa l-magna. Huwa tajjeb ħafna dan il-proġett għax m’hemmx għalfejn ikollok karozza jiġifieri magna toqgħod iddur fit-triq u affarijiet hekk.”

Emma Marie Fenech ħadmet fuq proġett li permezz tiegħu tinħasel magna li tagħmel il-pilloli bl-għan li l-proċess jkun kollu awtomatiku.

Emma Marie Fenech qalet “kellna nsibu mod alternattiv kif il-ħasil ta’ din il-parti jonqos fiż-żmien fil-waqt li żżomm il-kwalità li hi mitluba minn proċess bħal dan.Sfidi kienu li kemm jista’ jkun inneħħu kompletament il-powder preċedenti li kien fuq din il-parti tal-magna u ma jibqgħux traċċi għall-proċess li jmiss.”

Clayton Abela bena dik li tissejjaħ roll cage, li hi l-qafas ta’ vettura li tipproteġi min ikun fiha f’inċidenti gravi bit-tama li din tintuża fil-futur.

“Bħala teżi iddiżinjajna rollcage fejn fiha barra li tiddiżinja skond ir-regoli tal-FIA u ta’ Transport Malta ħriġna testing tagħha biex naraw kif ir-rollcage x’jiġri waqt accident. Barra li għamilna dawk it-testing għedna għax ma nibnuhiex u allura għamilna l-fabrication tar-rollcage u bl-għajnuna tiegħi u ta’ missieri rnexxielna noħorġu b’dal-proġett” qal Clayton Abela.

Il-proġett ta’ Andrew Galea huwa intiż għall-industirja tal-kożmetika.

Andrew Galea qal “dan il-proġett hu magħmul biex tkun tista’ żżomm cosmetic products bħall-fwejjaħ, make up, foundation etc, b’mod iktar konvenjenti ħalli waqt li tkun miexi bil-ġurnata tiegħek tkun tista’ żżomm container żgħir ta’ boċċi ta’ dawn il-cosmetic products.”

Il-wirja ta’ dawn u bosta proġetti oħra innovattivi mill-istudenti tal-Inġinerija se tkun miftuħa nhar il-Ġimgħa u s-Sibt li ġej fil-Fakultà tal-Inġinerija fl-Università ta’ Malta.

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar