Lokali
Studenti tal-MCAST b’reklami għat-televiżjoni biex iħajru lit-tfal jaqraw

Studenti tal-MCAST ġew fdati mill-Aġenzija Nazzjonali tal-Litteriżmu, biex jaħdmu għat-televiżjoni sensiela ta’ messaġġi promozzjonali bil-għan li jħajru aktar studenti jimirħu fil-qari biex jitkattru fil-ħiliet tal-lingwa u tal-litteriżmu.

Manuela Camilleri u George Aquilina huma fost 22 student tal-midja mill-istitut tal-Arti u d-Disinn tal-MCAST li ħadmu fuq sensiela ta’ messaġġi kreattivi biex iħajru lill-istudenti tal-primarja u tas-sekondarja jissieħbu fi programmi edukattivi biex issawru l-interess tagħhom fil-qari u l-litteriżmu.

Manuela u George qalu li fl-aħħar xahrejn ħadmu fuq dan il-proġett u poġġew fil-prattika t-teorija li studjaw b’rabta mal-produzzjonijiet televiżivi.

Manuela Camilleri qalet li “mhux biss assignments però nkunu nafu x’tip ta’ xogħol ser naffaċċjaw”.

L-istudenti għamlu wkoll riċerka dwar l-impatt tal-midja fuq udjenzi speċifiċi.

George Aquilina stqarr li “fil-fatt dawn ir-reklami kellhom ikunu twal 30 sekonda – meta tibda toħloq l-istorja tinduna li tista’ tiġik itwal però l-isfida li jkollok biex iżżomm mal-ħin li jkunu tawk.”

Dawn il-messaġġi promozzjonali saru b’kollaborazzjoni mal-Aġenzija Nazzjonali tal-Litteriżmu fi ħdan il-Ministeru tal-Edukazzjoni u l-Public Broadcasting Services u ser jixxandru fuq l-istazzjonijiet ta’ Television Malta.

Aħbarijiet Oħra
Infrastruttura

Wara d-dehra mill-isbaħ li ħadet il-funtana ta’ Tritoni bis-saħħa tar-restawr, persuni li fl-aħħar jiem ittawlu fil-funtana kienu ddiżappuntati meta nnutaw li l-qiegħ kien qed jittebba’ xi ftit. It-tebgħat jidhru donnhom…

Kultura

Il-kantanta Taljana Francesca Alotta tinsab Malta biex għada tkanta flimkien mal-istudenti tal-iskola Mater Boni Consilii Saint Joseph, Raħal Ġdid, f’kunċert b’risq l-Istrina. F’intervista ma’ TVM, Francesca Alotta tkellmet fuq esperjenzi…

Qorti

Żewg Egizzjani li kienu fi triqithom lejn pajjizhom bil-flus li tawhom kollegi taghhom biex jghadduhom lill-familji, spiċċaw fil-għali. Huma ġew akkużati li kienu qed iġorru flus iktar milli tippermetti l-liġi….

Kisbiet

Għandha 93 sena, u kienet fost l-ewwel nisa li servew bħala deputati fil-Parlament. Ann Agius Ferrante, li kienet bint l-ex avukat ġenerali Philip Pullicino, tirrakkonta mumenti ħelwin kemm mal-ex Prim…

Aktar