Lokali
Studenti tas-sixth form f’De La Salle jħejju għal-Lasallian Nights

L-istudenti tas-sixth form ta’ De La Salle għaddejjin bl-aħħar tħejjijiet għall-ispettaklu annwali tagħhom magħruf bħala Lasallian Nights.

Din is-sena t-tema se tkun l-imħabba. TVM żar il-provi finali.

Te Quiero, il-frażi bl-Ispanjol għal “inħobbok”, hija l-produzzjoni li qed jaħdmu fuqha bħalissa l-istudenti tas-sixth form tal-kulleġġ De La Salle għall-ispettaklu annwali tagħhom magħruf bħala Lasallian Nights.

L-istudenti għall-ewwel darba għażlu t-tema tal-imħabbba fid-diversi forom tagħha.

Il-protagonisti ta’ Te Quiero huma żewġ maħbubin li minħabba ċirkostanzi lil hinn minnhom ikollhom jinfirdu . . . Madankollu l-imħabba ta’ bejniethom tibqa’ b’saħħitha permezz ta’ ittri li jibagħtu lil xulin.

L-istudenti tal-kulleġġ ilhom minn Mejju jħejju għal-Lasallian Nights u organizzaw ruħhom f’kumitati li lkoll kienu responsabbli għal oqsma differenti bħalma huma l-irtokk, il-media, żfin, mużika, kostumi u ħafna aktar.

L-istudent, Nigel Caruana qal “fih nuru ħafna talent taż-żgħażagħ. Nipruvaw ninkludu nies kemm nistgħu. Ilna li bdejna norganizzaw mis-sajf u ppruvajna ndaħħlu kemm jista’ jkun talenti. Bħalissa għaddej ir-reċtar imma nippruvaw ninkludu l-kant, iż-żfin, l-arti bħalissa hemm il-backdrop impenġija bl-idejn mill-istudenti li ilhom min Settembru għaddejjin.”

Minbarra Te Quiero, għadd ta’ studenti mistennija juru t-talenti tagħhom fiż-żfin, il-mużika u r-reċtar.

Il-Lasallian Nights se jsiru fi tmiem din il-ġimgħa fil-kulleġġ ta’ De La Salle fil-Birgu.

Aħbarijiet Oħra
Elezzjoni

F’attività politika fil-Mellieħa, il-Prim Ministru Joseph Muscat tkellem dwar l-Istrateġija Nazzjonali tal-Isport li tnediet aktar kmieni matul il-ġurnata. Qal li u jemmen li hemm potenzjal kbir f’dan is-settur u għalhekk…

NGOs

Il-Prim Ministru Joseph Muscat inawgura hub modern u tal-għola standards fil-Marsa msejjaħ The Meeting Place li ser isservi biex ikollhom spazju fejn jiltaqgħu l-għaqdiet mhux governattivi li jaħdmu fl-oqsma tal-edukazzjoni,…

Elezzjoni

Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema…

Elezzjoni

Il-Kap tal-Partit Nazzjonalista Adrian Delia qal li, għal dan il-Gvern, Għawdex mhuwiex prijorità. Waqt attività politika fin-Nadur Ghawdex illejla, Dr Delia sostna li hemm kuntrast qawwi mal-investiment li kien għamel…

Aktar