Lokali
AĠĠORNAT: Il-Malti se jispiċċa mill-MATSEC? – Il-Ministeru għall-Edukazzjoni jispjega

Is-suġġett tal-Malti offrut bħalissa fl-iskejjel mhux se jkun qed jiġi sostitwit b’sillabu eħfef li jkun addattat ukoll għall-barranin. Dan wara kwistjoni li qamet fuq il-midja soċjali, fejn kien hemm għajdut li s-suġġett tal-Malti kif nafuh bħalissa se jispiċċa.

Kelliem għall-Bord tal-MATSEC ikkonferma ma’ TVM li l-MATSEC intalab joħloq sillabu għal suġġett ġdid; Il-Malti bħala Lingwa Barranija. Dan hekk kif inħass il-bżonn li jkun hemm suġġett tal-Malti li jkun addattat għall-istudenti barranin li jixtiequ jitgħallmu l-lingwa nazzjonali. Dan mingħajr ma jitneħħa jew jinbidel is-sillabu tal-Malti attwali.

Fil-fatt dan joħroġ ċar mis-sit elettroniku tas-sillabi; Learning Outcomes Framework. F’dan is-sit jidhru kemm Il-Malti, kif ukoll Il-Malti Bħala Lingwa Barranija, b’deskrizzjoni dettaljata ta’ dak li huwa mistenni mill-istudent f’kull livell ta’ dawn iż-żewġ suġġetti separati.

Reazzjoni Ministeru għall-Edukazzjoni:

F’reazzjoni, il-Ministeru għall-Edukazzjoni qal li l-Malti bħala lingwa barranija diġà qed fis-seħħ u ilu jitħaddem snin. Saħaq li mkien ma ssemma’ li se jitneħħa l-Malti mill-Matsec u tenna li se jżied l-opportunitajiet b’rotot ġodda u ekwi.

Aħbarijiet Oħra
Lokali

Matul il-maratona ta’ 60 siegħa futbol u volleyball inġabru €1,688,209 b’risq Puttinu Cares. Kienu bosta li matul tmiem il-ġimgħa li għadda marru sal-Marsa Sports Ground, b’uħud ipparteċipaw f’xi logħba u…

Kisbiet

Il-karozzi Bentley u Rolls Royce huma distintivi u magħrufa għal-lussu. Kristian Cini għad għandu sbatax-il sena, iżda għalkemm għad m’għandux l-età biex isuq, huwa dilettant kbir tal-karozzi Bentley u Rolls-Royce….

Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Aktar