Lokali
Ta’ 11-il sena u jdoqq il-vjolin bħall-aqwa vjolinisti
Teo Gertler huwa vjolinista Slovakk li minkejja li għad għandu 11-il sena diġa iħaddan talenti straordinarji. Iltqajna miegħu waqt li kien għaddej bl-aħħar provi mal-pjanista Antonio Gomena biex jagħtu kunċert fil-Belt fl-okkażjoni tal-jum nazzjonali tar-Repubblika Slovakka.

Beda jitgħallem il-vjolin meta kellu biss tliet snin. illum għandu 11-il sena. Teo Gertler diġà jitqies bħala wieħed mill-aktar vjolinisti promettenti fid-dinja.

Il-vjolinista simpatiku Slovakk rebaħ għadd ta’ kompetizzjonijiet prestiġjużi u minkejja li għadu żgħir, ta’ kunċerti bħala solista f’diversi pajjjiżi. Akkumpanja wkoll orkestri ewlenin fl-Isvizzera, l-Ungerija, ir-Repubblika Ċeka, id-Danimarka u f’għadd ta’ pajjiżi madwar id-dinja. Attenda għadd ta’ masterclasses ma’ surmastrijiet rinomati.

“Music is very nice and I like it because happiness comes from it,” qal Teo Gertler.

Teo qed ikun akkumpanjat minn Antonio Gomena, pjanista li għad għandu 22 sena. Il-karriera tiegħu diġà ħadet spinta b’kunċerti bħala solista fit-teatru Ariston f’Sanremo u fit-teatru Palaturismo f’Jesolo. Jibqa’ mnaqqax fil-karriera tiegħu l-mument meta tliet snin ilu fl-2016 ddebutta fis-sala Carnegie fi New York bħala solista.

Antonio kien deskritt mill-media Taljana u mill-media internazzjonali bħala artist li għandu talent formidabbli.

“I had the opportunity, the luck and the honor to be chosen to play with him, so we started to attend concerts and this is a great opportunity for us, here in Malta and also for me to play with Teo,” qal Antonio Gomena.

Iż-żewġ mużiċisti ħadu sehem ukoll f’kunċerti fil-Palazz ta’ Sant’Anton taħt il-patroċinju tal-President ta’ Malta, George Vella u fil-Kamra tal-Kummerċ. Il-mużiċisti kienu Malta bi stedina mill-konslu ġenerali onorarju tal-Islovakkja fl-okkażjoni taċ-ċelebrazzjoni tal-jum nazzjonali tar-Repubblika Slovakka.

Aħbarijiet Oħra
Politika

F’rapport li ppubblika f’Lulju li għadda wara talba mid-Deputat Godfrey Farrugia, il-Kummissarju għall-Istandards fil-Ħajja Pubblika, Dr George Hyzler ddeskriva li l-prattika li l-membri parlamentari jkunu impjegati jew konsulenti tal-Gvern bhala…

Sajd

Il-Kummissjoni Ġenerali tas-Sajd għall-Mediterran qablet li tintervjeni biex tipproteġi s-sajjieda Maltin li jispiċċaw maqbuda f’argumenti ma’ sajjieda oħra barranin dwar it-territorju tas-sajd. Dan wara qbil unanimu fl-aħħar laqgħa tal-Kummissjoni. Bis-saħħa…

Kultura

50 produzzjoni artistiċi u kulturali se jkunu għad-diżpożizzjoni tal-iskejjel mill-kindergarten sas-sekondarja fil-programm tal-Culture Pass 2019-2020. Din is-sena b’dawn il-produzzjonijiet mistennija jintlaħqu 30,000 student fl-iskejjel tal-Gvern, Knisja u indipendenti. Waqt it-tnedija…

Aktar