Kultura
Ta’ 85 sena għadu attiv fil-Karnival

Il-Karnival iferraħ lil ħafna nies, minn tfal sa kbar, b’nies bħal Ġeorge Żahra li ilu nvolut fil-Karnival għal nofs seklu. Iħossu qisu tifel meta jasal Frar u jibda r-Renju tal-bluha. Sibnieh fil-Belt Valletta jgħin fl-organizazzjoni tal-ispettaklu, b’kumpanniji taż-żfin b’kostumi elaborati jistennew biex jidħlu f’nofs il-pjazza u jiżfnu ż-żifna tagħhom.

Is-Sur Zahra qal lil TVM li l-karnival jimlih enerġija.

“Fil-karnival ma jaqbadnix mard, inħossni nerġa niġi żgħir, qiegħed ġo fija.”

Fi Pjazza San Ġorġ spikkaw l-ismijiet taż-żifniet tal-karnival li lkoll jingħataw ir-rima, b’mużika popolari li ġġiegħel lil kull min qiegħed fil-pjazza jifraħ, iċapċap u jiżfen. Min-naħa tagħhom il-kumpanniji taż-żfin, b’kostumi mill-isbaħ jagħmlu ħilithom biex jimpressjonaw il-ġurija li tagħmel ħamest ijiem tanalizza min hu l-aħjar minnhom. Fil-pjazza ltqajna ma’ Mario Camilleri li ilu snin twal involut fil-karnival.

“Il-karnival itini sodisfazzjon u nara l-entuzjazmu tal-karristi u zeffiena, u sodisfazzjon li jien parti minnu.”

Il-preżentaturi fil-pjazza libsin il-kostumi qalulna li r-renju tal-karnival jistennewh għax jitpaxxew bl-ispettaklu li jittella’ b’tant sagrifiċċju mill-kumpanniji tal-karnival, kemm bħala kostumi, żfin, maskri grotteski, u l-karrijiet.

“Il-karnival inħobbu mmens u nħobb nilbes il-kostumi, allura okkazjoni biex nilbes il-kostumi,” qaltilna Frida Cauchi.

“Niltaqgħu kull sena jien u Frida, jirnexxilna l-personalitá taghna,” qal Roderick Azzopardi.

Għal dawk li ma jistgħux jitilgħu l-Belt Valletta biex igawdu l-karnival, l-istazzjonijiet ta’ Television Malta se jagħtu xandiriet diretti tal-ispettakli, fosthom bil-Karnival tat-tfal li jixxandar is-Sibt filgħodu fuq TVM2, is-Sibt filgħaxija għall-ewwel darba se jixxandar il-karnival spontanju tan-Nadur fl-għaxra ta’ filgħaxija fuq TVM, u fuq TVM2 se jixxandru l-ispettakli tal-karnival tal-Ħadd, it-Tnejn u tat-Tlieta, bil-karnival jagħlaq bl-isfilita trijonfali fil-Floriana.

Aħbarijiet Oħra
COVID-19

Il-Kelliem tal-Oppożizzjoni dwar il-Benesseri tal-Familja u s-Solidarjetà Soċjali, Claudio Grech ippropona li l-għajnuna li ħabbar il-Gvern għal setturi li ntlaqtu mill-pandemija tkun estiża lill-ħaddiema kollha li ntlaqtu mill-imxija. Ippropona ukoll…

Kronaka

Ingliż ta’ 56 sena jinsab fil-periklu tal-mewt wara inċident fil-Gżira. L-inċident seħħ għall-ħabta tal-għaxra ta’ filgħodu, meta l-Pulizija ġiet infurmata li kien hemm bżonn l-assistenza tagħha fl-inħawi magħrufa bħala Manoel Island,…

COVID-19

Il-linja tal-ajru Ryanair qalet fi stqarrija li hekk kif il-maġġoranza tal-pajjiżi tal-Unjoni Ewropea waqqfu t-titjiriet minn u lejn pajjiżhom, dan wassal biex iktar minn 90% tal-ajruplani tagħha mhumiex jintużaw. Qalet…

COVID-19

Inġiniera mill-Università ta’ Malta qed jibnu apparat li jiddiżinfetta l-maskli, bil-għan li dawn ma jintużawx darba biss u jintremew. Qalet dan fi stqarrija l-Università ta’ Malta, li saħqet li dan…

Aktar