Lokali
Ta’ min hi Ġerusalemm?

F’Malta l-kwistjoni dwar Ġerusalemm hija wkoll sensittiva b’diverġenzi bejn il-komunitajiet kemm tal-Palestinjani kif ukoll tal-Iżraeljani. Il-Palestinjana, Sanaa el-Nahhal qalet li l-Palestinjani huma mweġġgħa ħafna bid-deċiżjoni tal-President Amerikan Donald Trump. Mill-banda l-oħra, Mushka Segal qalet li ma tistax tifhem għalfejn din l-agħaa għaliex skont hi Ġerusalemm ilha l-belt kapitali ta’ Iżrael.

Għall-Musulmani u b’mod partikulari għall-Palestinjani, id-deċiżjoni tal-President Trump li l-Istati Uniti tqis lil Ġerusalemm bħala l-kapitali ta’ Iżrael, hija ferm aktar milli deċiżjoni kontroversjali. Dan is-sentiment jinħass ukoll fost il-komunità Palestinjana f’Malta.

Tħossha konfuża bid-deċiżjoni ta’ Trump

Sanaa el-Nahhal li ilha tgħix f’Malta għal żmien twil qalet li tħossha konfuża bid-deċiżjoni ta’ Trump.

“Fuq Ġerusalemm qalbi maħruqa ħafna, kull Palestinjani u suppost kull Musulman, għax Ġerusalemm hija importanti ħafna, f’Gaza ddejjaqna u mhux daqs Ġerusalemm jekk nitilfu Ġerusalemm nitilfu kollox” qalet Sanaa el Nahhal.

Tgħid li ma tistax tifhem għala nqalgħet din ir-reazzjoni

Mill-banda l-oħra, Mushka Segal qalet li ma tistax tifhem għala nqalgħet tant reazzjoni negattiva dwar id-deċiżjoni ta’ Trump.

Mushka Segal qalet li “as a Jew I was surprised about the hassle about this announcement, for over 3,000 years, it was always the capital of the country”.

Sanaa el-Nahhal qalet li hija ddiżappuntata għaliex fil-fehma tagħha, il-mexxejja Musulmani Għarab qed joqogħdu lura milli jiddefendu lil Ġerusalemm.

“Aħna rridu l-ħakkiema, dawn qed isemmu affarijiet li qishom iriduna ninsew lil Ġerusalemm” qal li  Sanaa el-Nahhal.

Mushka Segal qalet li tħossha sorpriża b’dan id-dibattitu, għax temmen li l-belt kapitali ta’ pajjiż għandha tkun deċiża mill-pajjiż stess u mhux minn pajjiżi oħra.

Mushka Segal stqarret li “I think every country has a right to decide its capital city, like Malta can decide the capital city if Sliema or Valletta, it’s a decision of a country and every body should respect the decision of the country”

Madankollu l-istatus internazzjonali ta’ Ġerusalemm għandu sinifikat importanti għal tliet reliġjonijiet ewlenin. Għall-Musulmani din il-belt qaddisa hija importanti minhħbba r-rabtiet tagħha mal-Profeta Muhammed. Ghal Kattoliċi, Ġerusalemm hija parti mill-art Imqadsa fejn seħħew l-akbar ġrajjiet tal-fidi Kristjana u għal-Lhud Ġerusalemm hija parti mill-art imwegħda.

Aħbarijiet Oħra
Lokali

Il-Milied jiġi għal kulħadd u jferraħ bosta qlub. Żorna ċ-Centro Spero għal persuni nieqsa mid-dawl fejn ħassejna l-entużjażmu tal-persuni nieqsa mid-dawl li qed iħejji għal produzzjoni tal-Milied bi drama u…

Ekonomija u Finanzi

Statistika tal-Eurostat uriet li fl-2016, in-nefqa ta’ Malta f’għajnuniet soċjali kienet inqas mill-medja Ewropea. Fil-fatt Malta kienet f’sitt post mill-aħħar fost 28 pajjiż tal-Unjoni Ewropea li tonfoq fuq servizzi soċjali….

Brexit

Tkompli titħabbel il-kobba dwar Brexit wara li fl-aħħar jiem il-Prim Ministru Theresa May tidher li spiċċat b’idejha f’idejha meta ma kisbitx garanzija ta’ assigurazzjonijiet dwar il-fruntiera tal-Irlanda mill-mexxejja tal-Unjoni Ewropea….

Brexit

Il-korrispondent tal-BBC, Chris Morris, f’kummenti esklussivi lil Television Malta, stqarr li l-Prim Ministru Ingliża Theresa May s’issa għadha ma kisbitx dak mistenni minn ħafna Parlamentari Ingliżi biex jaċċettaw il-ftehim li…

Aktar