Lokali
Tabbandunawx lill-anzjani residenti fid-djar – il-President Vella

Il-President George Vella, flimkien mas-sinjura Vella, żar id-dar tal-anzjani fiż-Żejtun fejn għamel appell lill-familji biex ma jabbandunawx lill-anzjani residenti fid-djar.

Dr Vella kien milqugħ minn ħafna residenti anzjani li kienu jafuh sew kemm fit-tfulija u anki bħala t-tabib tal-familja tagħhom. Dr Vella ħeġġeġ lill-anzjani biex jagħmlu kuraġġ u jżommu ruħhom okkupati kemm jistgħu biex jagħmlu l-massimu li jistgħu jagħmlu fis-sitwazzjoni tagħhom.

Il-President appella wkoll lill-awtoritajiet biex l-anzjani jingħataw ġieħ, u jingħataw iktar rispett fil-kundizzjonijiet tagħhom, fosthom żieda fil-pensjonijiet, għaliex qal li hemm xi anzjani li mhumiex komdi. Fid-dar tal-anzjani fiż-Żejtun, hemm 204 anzjan.

Id-dar ilha mmexxija minn CareMalta għal 25 sena, u hija l-ewwel dar tal-anzjani f’Malta, bil-Gvern jafda t-tmexxija f’idejn il-privat. Fid-dar jaħdmu 140 impjegat.

Aħbarijiet Oħra
Edukazzjoni

Il-Union tal-Edukaturi Professjonisti, UPE qalet li l-Kunsill tal-Għalliema, iddeċieda li mis-sena skolastika li ġejja, l-għalliema kollha li se japplikaw għall-warrant ser ikollhom jippreżentaw il-fedina penali tagħhom maħruġa fl-aħħar xahar, flok iċ-ċertifikat…

Lokali

It-tifkira ta’ Lassana Cisse Souleymane, li kienet tpoġġiet fil-post fejn inqatel ġiet ivvandalizzata. Huwa kien inqatel kiesaħ u biered fit-triq li tagħti bejn Ħal Far u Birżebbuġa nhar is-6 t’April. B’rabta…

Lokali

Heritage Malta, flimkien mas-Sovritendenza tal-Patrimonju Kulturali Malti u l-Università ta’ Macquarie, f’Sydney l-Awstralja, qed iħabbru l-bidu ta’ proġett internazzjonali u interdixxiplinarju li jinvolvi l-istudju tal-kranji umani li nstabu ġewwa l-Ipoġew…

Aktar