Barranin
Tabib Franċiż akkużat bl-avvelenament ta’ 17-il pazjent

Investigazzjoni kriminali fi Franza fil-konfront ta’ tabib b’konnessjoni mal-avvelenar ta’ mill-inqas 17-il persuna.

L-ispeċjalista tal-anesteżija, Frédéric Péchier, kien diġà qed ikun investigat dwar 7 każi separati bl-għadd ta’ fatalitajiet li allegatament huwa konness magħhom ikun ta’ 9.

Prosekuturi allegaw li kien joqgħod jintervjeni fid-doża tal-anesteżija fuq il-pazjenti waqt l-operazzjonijiet biex jikkreja emerġenzi u jiftaħar mal-kollegi miegħu dwar il-mod li jkun tratta l-każi.

Huwa qed jiċħad l-allegazzjonijiet u qed jiffaċċja sentenza ta’ għomru l-ħabs jekk jinstab ħati.