Lokali
Tagħlaq il-fabbrika Astracast – ħidma biex il-ħaddiema jsibu impjieg ieħor

Wara kważi ħamsin sena f’Malta, l-Astracast, fabbrika Ingliża li timmanifattura s-sinkijiet għalqet ħabta u sabta l-bibien tagħha possibilment minħabba diffikultajiet finanzjarji u ħalliet lil 35 ħaddiem tagħha lampa stampa. Il-General Workers’ Union qalet li wħud mil-35 ħaddiem għadhom ma tħallsux is-salarji u l-benefiċċji ta’ Diċembru. Sadanittant għaddejja ħidma biex il-ħaddiema jingħataw impjieg alternattiv.

35 ħaddiem tal-kumpanija Astracast, f’Bulebel bdew iħabbtu bibien oħra tax-xogħol wara li uffiċjalment il-kumpanija li kienet tipproduċi s-sinkijiet infurmat uffiċjalment lill-General Workers Union li għalqet.

Il-kanċell tal-fabbrika għadu msakkar b’katnazzi u għal tliet ijiem sħaħ, il-ħaddiema kienu barra l-kanċell b’direttiva tal-union biex jiżguraw li mal-fabbrika ma joħroġ xejn minħabba li għad għandhom jieħdu l-pagi dovuti lilhom.

Is-Segretarju tat-Taqsima Metall u Kostruzzjoni tal-GWU Jesmond Marshall, qal li mill-bidu tas-sena, il-kumpanija ma ħallietx il-ħaddiema jidħlu fil-fabbrika għax ma ġedditx il-polza tal-assigurazzjoni li tkopri inċidenti li jistgħu jseħħu fuq il-post tax-xogħol. Huwa qal li l-union bdiet proċeduri biex il-ħaddiema jitħallsu l-pagi u l-benefiċċji dovuti. Il-Ministeru tal-Ekonomija, Investiment u Negozji Żgħar qal li għaddej f’taħdidiet mal-Malta Enterprise, il-Union u l-JobsPlus biex jingħata appoġġ lill-ħaddiema u jinstabilhom impjieg alternattiv. Intqal li l-Kunsill Nazzjonali għall-Ħiliet ser joffri taħriġ lill-ħaddiema biex ikollhom il-ħiliet neċessarji għall-impjiegi fis-suq tax-xogħol.

Television Malta huwa infurmat li wħud mill-ħaddiema ġew avviċinati għal impjieg alternattiv minn kumpaniji oħra.

Aħbarijiet Oħra
Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Wara dibattitu f’sessjoni straordinarja fil-House of Commons, il-membri parlamentari ivvutaw favur mozzjoni li tobbliga lill-Prim Ministru biex jitlob estensjoni mill-Unjoni Ewropea għal Brexit. Dan sakemm il-ftehim għall-ħruġ mill-Unjoni Ewropea jiġi…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar