Qorti
Taha daqqa ta’ ħarta fl-għassa wara li bagħtitlu ritratt fis-sodda ma’ raġel ieħor

Raġel ta’ 42 sena miż-Żejtun wieġeb mhux ħati li l-Ġimgħa darab ħafif lill-ex sieħba tiegħu meta allegatament xejrilha daqqa ta’ ħarta waqt argument fl-Għassa ta’ Birżebbuġa.

Mario Ellul, li hu bennej, ġie akkużat ukoll li ffastidja u kkawża biża’ lill-ex sieħba tiegħu.

L-Avukat Veronique Dalli qalet li l-mara kienet theddu u tgħidlu li jekk itemm ir-relazzjoni magħha, toqtol lilu u lil ibnu ta’ 10 snin. Dr Dalli qalet li qabel seħħ l-argument, il-mara bagħtet ritratt tagħha fis-sodda ma’ raġel ieħor lill-imputat.

L-Ispettur Roderick Attard qal li l-investigazzjonijiet għadhom għaddejjin, u m’eskludiex li jittieħdu passi kontra l-mara.

Il-Maġistrat Joe Mifsud laqa’ t-talba għall-ħelsien mill-arrest b’depożitu ta’ €500 u garanzija personali ta’ €5,000.

Il-Qorti ħarġet ordni ta’ protezzjoni lill-mara u lis-sieħeb tagħha.

Aħbarijiet Oħra
Kisbiet

Il-karozzi Bentley u Rolls Royce huma distintivi u magħrufa għal-lussu. Kristian Cini għad għandu sbatax-il sena, iżda għalkemm għad m’għandux l-età biex isuq, huwa dilettant kbir tal-karozzi Bentley u Rolls-Royce….

Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Aktar