Lokali
Taħditiet f’Moska dwar kwistjonijiet pendenti bejn Malta u r-Russja

Il-bieraħ fl-istess jum li ġie rrappurtat li Malta rrifjutat talba tar-Russja biex tuża l-ispazju tal-ajru Malti għal vjaġġi ta’ ajruplani militari għal Veneżwela, f’Moska saret laqgħa bejn Dr Alex Sceberras Trigona u Alexander Grushko, deputat Ministru tal-Affarijiet Barranin Russu.

Skont stqarrija tal-Ministeru tal-Affarijiet Barranin tar-Russja, il-laqgħa mal-mibgħut tal-Prim Ministru Malti ffukat fuq kwistjonijiet bilaterali bejn iż-żewġ pajjiżi u kif dawn jistgħu jiġu solvuti. Intqal li tul il-laqgħa ddiskutew ir-relazzjonijiet bejn ir-Russja mal-Unjoni Ewropea, l-OSCE u l-Kunsill tal-Ewropa.

Il-bieraħ l-aħbar li Malta rrifjutat it-talba tar-Russja ġiet irrappurtata minn Buzzfeed News u kkonfermata minn TVM.

Ara wkoll:

Ajruplani militari Russi ma jitħallewx itiru mill-ispazju tal-ajru Malti – rapporti