Lokali
Taħriġ għal min jaħdem f’NGO’s fil-qasam tas-saħħa

L-għaqdiet mhux governattivi – l-NGO’s huma parti minn xibka ta’ servizzi li jgħinu lis-soċjetà fil-bżonnijiet tagħha. Imwaqqfa 12-il sena ilu, il-Malta Health Network tiġbor fiha 40 NGO li jagħtu s-servizz tagħhom fil-qasam tas-saħħa. Iċ-Chairperson tal-Malta Health Network, Gertrude Buttigieg tgħid li għandu jkun hemm vuċi waħda fl-NGO’s biex il-vuċi tagħhom tasal għall-benefiċċju taċ-ċittadin.

“L-iskop tas-soċjetà ċivili mhux biss biex tagħmel ħoss, imma biex nagħmlu l-bidliet li jagħmlu s-sens, li jkunu bbażati fuq ir-riċerka, li jkunu bbażati fuq il-bżonn u naħdmu b’mod strateġiku u mhux sempliċiment għax jien qomt filgħodu, għandi aptit ngħid xi ħaġa u ngħidha”.

Sensiela ta’ erba’ seminars bdew illum fil-Palazz ta’ San Anton u l-ewwel sessjoni kienet preseduta mill-President George Vella. Gertrude Buttigieg qalet li dawn is-seminars se jagħtu l-għodda lir-rappreżentanti kollha tal-NGO’s biex il-ħidma tagħhom tkun iktar effettiva anke fid-dawl tal-istrateġija tas-Saħħa li qed titfassal.

“Importanti ħafna li nikkontribwixxu biex il-pjan għall-għaxar snin, għoxrin sena li ġejjin ikun imsejjes verament fuq dak li għandu bżonn il-pajjiż.”

Huwa stmat li l-40 NGO fi ħdan il-Malta Health Network, imissu ma’ 25,000 familja f’Malta u Għawdex.

Aħbarijiet Oħra
Ambjent

Il-Gvern qed ifassal abbozz ta’ liġi biex Malta jkollha Qorti tal-Ambjent fejn jinstemgħu u jiġu deċiżi każi ta’ reati ambjentali. Il-Ministru tal-Ambjent qal li għandu l-kelma tal-avukati li l-abbozz ta’…

Edukazzjoni

Fil-bidu tas-sena d-dieħla, studenti mill-Korea t’Isfel se jibdew jitħarrġu f’Malta biex jiggradwaw bħala tekniċi fil-manutenzjoni tal-ajruplani. L-istudenti se jitħarrġu fl-MCAST wara qbil bejn il-kulleġġ, żewġ kumpaniji privati u l-gvern tal-Korea…

Edukazzjoni

Il-Fondazzjoni LifeCycle għamlet għotja ta’ €25,000 lill-Università għar-riċerka dwar ċesti li jitrabbew fil-kliewi. Riċerkaturi ser jagħmlu stħarriġ dwar il-ġenetika ta’ din il-kundizzjoni li tintiret fil-familji u twassal għal mard serju…

Televiżjoni u Radju

Il-prevedibbli se jsir imprevedibbli waqt l-għodwiet min-nhar it-Tnejn li ġej ma’ Carlo, Gordon u Anna fuq Magic Malta 91.7 FM. It-tliet karattri vivaċi b’livelli varji ta’ esperjenza radjofonika se jieħdu…

Aktar