Kultura
Taħseb li l-għaqdiet u l-każini jiddettaw l-aġenda tar-raħal?

Waqt il-programm TVAM li fih ġie diskuss l-indafa tal-baħar u l-impatt tal-plastik fuq l-ambjent, il-President tal-Assoċċjazzjoni tal-Kunsilli Lokali spjega li 36 Kunsilli Lokali ffirmaw ftehim biex fost oħrajn ma jittajrux bżieżaq u jonqos il-plastik waqt l-attivitajiet biex jitħares l-ambjent.

Mistoqsi għala kien hemm Kunsilli Lokali li ma ffirmawx il-ftehim, Fava qal li hemm Kunsilli Lokali jibżgħu jmissu mal-każini u l-għaqdiet. Qal li donnu hawn ċertu għaqdiet li jaħsbu li jmexxu l-lokal huma. Stqarr li japprezza l-ħidma tagħhom iżda jrid jinħoloq bilanċ bejn il-kultura u festi u l-esiġenzi li qed ngħixu fihom fosthom l-ambjent.

Fava qal li jista’ jkun hemm kunsilliera jew sindki jibżgħu li jekk imissu mal-għaqdiet se jkun hemm impatt negattiv fl-elezzjoni.

Huwa spjega li kien hemm min ħaseb li se joqtlu l-kultura tal-festi. Stqarr li għalhekk hemm bżonn aktar żmien biex wieħed jispjega u qal li se jiltaqa’ mal-Kunsilli Lokali li ma ffirmawx il-ftehim u anke jekk hemm bżonn mal-għaqdiet.

Intant sabiex jitħares l-ambjent u l-baħar isiru diversi inizjattivi oħra.

Waqt il-programm Raniero Borg minn Raniero’s Adventures spjega l-ħidma tat-tim tiegħu biex inaddfu l-baħar. Spjega li l-plastik huwa l-aktar oġġetti li jsibu ma’ wiċċhom iżda mhux biss, hekk kif sabu wkoll madwar 70 tajer li nġabru f’għar.

Mistieden ukoll il-Kaptan Richard Gabriele, Head Marine Operations Flash Incident Response fejn spjega li flimkien ma’ tim jaħdmu biex meta jinfirex xi żejt fil-baħar jilqgħulu ħalli jonqos l-impatt.

Segwi l-intervista waqt TVAM:

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar