Barranin
Tajlandja: Jinqatel suldat wara li spara u qatel 26 persuna

Suldat fit-Tajldandja nqatel wara li wettaq attakk terroristiku fi stabbiliment tax-xiri u ħalla 26 persuna mejta u minn tal-anqas 52 oħra feruti.

Kien irrappurtat li Jakraphanth Thomma qatel lill-uffiċjal kmandant tiegħu u seraq l-armi mill-barracks militari, fejn baqa’ sejjer fil-kumpless Terminal 21 f’Nakhon Ratchasima, magħruf ukoll bħala Korat, u beda jispara fuq in-nies.

Huwa nqatel mal-lejl wara li ġie ċċirkondat f’parti mill-kumpless mill-qawwiet tas-sigurtà.

Il-Prim Ministru tat-Tajlandja, Prayut Chan-ocha, żar lill-persuni feruta fl-isptar, u qal li s-suldat wettaq l-attakk minħabba kwistjoni fuq biċċa art li fiha ħass li kien mar minn taħt.

Ara wkoll:

Jagħmel straġi b’arma tan-nar f’Korat