Lokali
Attentat ieħor għall-ħelsien ta’ Christopher Bartolo li jinsab marid bil-kliewi

Christopher Bartolo li jbati minn mard fil-kliewi qed jitlob il-ħelsien mill-arrest.

F’talba mhux tas-soltu, l-Avukati Dr. Franco Debono, Dr Marion Camilleri u Dr. Amadeus Cachia talbu lil President Coleiro Preca sabiex teżerċità l-poteri tagħha u takkorda lil Christopher Bartolo l-benefiċċju tal-ħelsien mill-arrest taħt il-kundizzjonijet kollha li jidhru xierqa u opportuni.

Bartolo, li għandu 36 sena li ammetta l-akkużi kollha kontrih kien intbagħat ħames snin ħabs fuq pussess u traffikar tal-kannabis. It-talba għall-ħelsien ta’ Bartolo saret fuq il-fatt li l-akkużat kien jagħmel l-użu tal-kannabis biex itaffilu l-uġigħ li kien jikkawżalu l-mard.

It-talba qed issir fl-isfond ukoll tad-dibattitu nazzjonali dwar riforma radikali fil-liġi li titratta s-sustanza tal-kannabis u l-aspetti riformattivi tal-piena.

Ara wkoll:

Il-Qorti tiddikjara li priġunier inkissrulu d-drittijiet meta ma ngħatax smigħ xieraq

 

 

 

Aħbarijiet Oħra
Lokali

Il-Milied jiġi għal kulħadd u jferraħ bosta qlub. Żorna ċ-Centro Spero għal persuni nieqsa mid-dawl fejn ħassejna l-entużjażmu tal-persuni nieqsa mid-dawl li qed iħejji għal produzzjoni tal-Milied bi drama u…

Ekonomija u Finanzi

Statistika tal-Eurostat uriet li fl-2016, in-nefqa ta’ Malta f’għajnuniet soċjali kienet inqas mill-medja Ewropea. Fil-fatt Malta kienet f’sitt post mill-aħħar fost 28 pajjiż tal-Unjoni Ewropea li tonfoq fuq servizzi soċjali….

Brexit

Tkompli titħabbel il-kobba dwar Brexit wara li fl-aħħar jiem il-Prim Ministru Theresa May tidher li spiċċat b’idejha f’idejha meta ma kisbitx garanzija ta’ assigurazzjonijiet dwar il-fruntiera tal-Irlanda mill-mexxejja tal-Unjoni Ewropea….

Brexit

Il-korrispondent tal-BBC, Chris Morris, f’kummenti esklussivi lil Television Malta, stqarr li l-Prim Ministru Ingliża Theresa May s’issa għadha ma kisbitx dak mistenni minn ħafna Parlamentari Ingliżi biex jaċċettaw il-ftehim li…

Aktar