Kurżitajiet
Talbet lil sħabha jerġgħu jilbsu l-ilbiesi tat-tieġ tagħhom fl-aktar ġurnata għażiża għaliha

Mara tilbisha darba biss il-libsa li tkun iżżewġet biha iżda l-attriċi Audrey Moore ħarġet bl-idea li lil sħabha l-mistednin titlobhom jerġgħu jilbsu l-libsa tat-tieġ biex jiċċelebraw iż-żwieġ tagħha.

Moore qalet li hija dnub li mara jiġiha ċ-ċans tilbisha darba biss il-libsa li tkun żżewġet biha u għalhekk iddeċidiet titlob lil sħabha jerġgħu jilbsuha għal darb’oħra.

Moore qalet li hija kienet l-aħħar fost sħabha li żżewġet u għalhekk setgħet titlobhom dan il-pjaċir.

L-attriċi għażlet libsa ċelesti biex tispikka fost l-ilbiesi bojod ta’ sħabha.

Moore iżżewġet lill-producer Jesse Lumen.