Annimali
Tappella għal-liġijiet dwar meta u fejn jistgħu jinstaqu ż-żwiemel

Hekk kif is-sajf riesaq ġmielu, għaqda tad-drittijiet tal-annimali qed tappella biex il-Parlament jgħaddi leġiżlazzjoni sussidjarja li tirregola ż-żwiemel fit-toroq.

L-MSPCA qalet li huwa diġà dubjuż li fl-era tat-teknoloġija, iż-żwiemel għadhom jintużaw bħala mezz ta’ trasport. Qalet iżda li sakemm dan jibqa’ jseħħ, trid li jkun hemm standards minimi għaż-żamma taż-żwiemel, simili għal dawk li saru dwar il-klieb.

L-għaqda żiedet tgħid li t-temp għandu jkun fattur deċiżiv dwar meta jinħarġu ż-żwiemel, u li minbarra t-temperatura trid tiġi kkunsidrata wkoll l-umdità. Qalet li ma’ dawn għandhom jitqiesu t-tlajja’ li jista’ jitla’ ż-żiemel, il-piż li jiflaħ iġorr, il-ħinijiet tax-xogħol, u anki l-post fejn jinżamm.

Aħbarijiet Oħra
Saħħa

Id-Dipartiment tal-Kardjoloġija fl-isptar Mater Dei jemmen li sa għaxar snin oħra, kwart tal-popolazzjoni tista’ tbati minn qalb għajjiena. Il-kardjologu Robert Xuereb qal li f’Malta hawn ‘il fuq minn 8,000 ruħ…

Lokali

Mifruxin madwar Malta, ċagħaq b’messaġġ pożittiv fuq inizjattiva tal-Fondazzjoni Richmond flimkien ma’ bank ewlieni f’Malta, biex min isib iċ-ċagħaq jiftakar li fil-ħajja jrid jagħmel kuraġġ. Il-Fondazzjoni Richmond fil-preżent qed tgħin…

Qorti

Clive Micallef ta’ 36 sena minn San Pawl il-Baħar inżamm arrestat fil-Faċilità Korrettiva ta’ Kordin wara li ġie akkużat b’serq minn karozzi fl-aħħar xahrejn. L-ispettur Godwin Scerri xehed li l-akkużat…

Aktar