Lokali
Tappiera mikxufa fix-Xemxija tikkawża inċident

Tappiera tad-drenaġġ fit-triq ewlenija tax-Xemxija kkawżat inċident ilbieraħ waranofsinhar.

L-inċident seħħ għall-ħabta tat-15:12 meta sewwieq ta’ vann tilef il-kontroll tal-vettura malli nfaqa’ tyre kawża tat-tappiera mikxufa fit-triq. Il-vann spiċċa biex ħabat f’karozza oħra iżda, b’xorti tajba, ħadd ma weġġa’ fl-inċident.

It-tappiera, li ilha f’dan l-istat għal dawn l-aħħar ġimagħtejn , minbarra li qed tkun ta’ periklu għas-sewwieqa speċjalment bil-lejl, qed tkun ta’ inkonvenjent għal kull min iżur ix-Xemxija minħabba riħa qawwija ta’ drenaġġ.

It-tappiera baqgħet mikxufa iżda tpoġġew żewġ cones, waħda ma’ kull ġenb.