Saħħa
Tarax il-mowbajl sa sagħtejn qabel torqod

Kemm-il darba smajna li għandna norqdu bejn seba’ u disa’ sigħat kuljum. Xbajna nisimgħuha. Madanakollu, tidħol minn widna u toħroġ mill-oħra, hekk kif ħafna drabi nispiċċaw ma nagħtux biżżejjed importanza lill-irqad forsi sforz il-ħajja pjuttost bieżla li bosta minna għandna.

Skont studji, f’kuntest Ewropew, l-Olandiżi huma fost l-anqas li jsibuha diffiċli biex jorqdu. Il-Pollakki u t-Taljani, min-naħa l-oħra, huma fost l-aktar li ma jirnexxielhomx jagħlqu għajn m’għajn.

Il-Melatonin, l-ormon tal-irqad, għandu x’jaqsam mad-dawl, u għandu sehem ewlieni f’dan kollu. Fil-fatt, meta l-Melatonin inżommuh għoli, inbatu biex norqdu. Fi kliem ieħor, x’jista’ jtelliflek l-irqad sewwasew?

Fost l-oħrajn, li ddaħħal il-mowbajl miegħek fis-sodda qabel ma torqod. Fil-fatt, skont esperti, m’għandniex nużawh sa sagħtejn qabel ma nidħlu norqdu.

Diversi studji wrew ukoll li bozza bajda mhux tajba għall-irqad, u li, idealment, ikollna dawl safrani.

Fl-aħħar nett, għal xi wħud, dik it-tazza kafè jew grokk whiskey qabel tidħol taħt il-friex tinżel għasel. Madanakollu, il-kafè e u l-alkoħol jistgħu jkunu kaġun ieħor il-għaliex dak li jkun jista’ jsibha diffiċli biex tmur għajnu bih.

Aħbarijiet Oħra
Saħħa

Daħlu fis-seħħ mil-lum ħinijiet ġodda għall-viżitaturi fl-Isptar Mater Dei. Mas-siegħa li tibda fil-5.00 p.m., l-isptar issa qed idaħħal ukoll viżitaturi għal siegħa li tibda fil-11.30 a.m. Il-ħinijiet il-ġodda japplikaw mit-Tnejn…

Ikel

Marinella u Francesco, is-sidien ta’ ‘La Fattorietta’, agrituriżmu fi Frigintini fi Sqallija, laqgħu lill-preżentatur ta’ ‘TVAM’ Quinton Scerri u lit-tim tiegħu b’dirgħajhom miftuħa bil-għan li jsajru xi ħaġa bnina flimkien….

Internet

Matul l-aħħar xhur straordinarji, ħobbha jew ogħbodha, it-teknoloġija lkoll ġejna bżonnha. Kienet kruċjali, fost l-oħrajn, biex bosta anzjani ma jinqatgħux għalkollox minn mal-għeżież tagħhom fil-qilla tal-pandemija. Minkejja l-għadd ta’ benefiċċji…

Aktar