Barranin
Tarbija salvata mill-għarqa ssir stilla tal-Eurovision

Tarbija li s-sena l-oħra salvat mill-għarqa fil-baħar Mediterran se ssib ruħha fil-Eurovision Song Contest f’Mejju li ġej.

Dan wara li d-duo Madame Monseiur intgħażel biex jirrapreżenta lill-Franza fil-Eurovision.

Madame Monseiur se tkun qed tirrapreżenta lill-Franza b’kanzunetta ispirata mill-istorja tat-twelid tat-tarbija fuq il-baħar.

Il-kanuzenetta ġġib l-isem ta’ Mercy. Id-duo qal li kien fir-recording studio meta raw ir-ritratt ta’ Mercy imxerred fuq Twitter.

Żied jgħid li r-ritratt laqagħthom mal-ewwel u ġew ispirtati mill-prinċipju li t-tama tirbaħ. Qal li r-ritratt kien wisq b’saħħtu tant li f’nofs traġedja ta’ mewt kien hemm twelid. Dan il-kuntrast fil-ħajja wassal lid-duo biex jinżeġ kanzunetta dwar dan.

Spjega li l-għan tal-kanzunetta huwa li tiġġieled għall-umanità u stqarr li l-kanzunetta hija dwar is-solidarjetà, it-tama u l-miraklu tat-twelid.

Fl-aħħar sentejn, NGOS SOS Mediterranee salvat aktar minn 28,000 persuna li kienu qed jaħarbu mill-gwerra u l-faqar bit-tama li jaslu fl-Ewropa. F’wieħed mill-vjaġġi kien hemm Taiwo minn Niġerja. Tqila waslet lejn l-aħħar hija weldet nhar il-21 ta’ Marzu, 2017 fuq il-vapur li salvahom mill-għarqa. Il-vapur kien daħal fil-port ta’ Katanja, Sqallija.

Il-finali tal-Eurovision Song Contest se jsir f’Lisbona fit-12 ta’ Mejju.

Aħbarijiet Oħra
Barranin

Il-Prim Ministru tar-Renju Unit, għadha kemm għamlet stqarrija wara laqgħa twila tal-Kabinett fejn qalet li l-abbozz ta’ ftehim mal-Unjoni Ewropea għall-ħruġ tar-Renju Unit mill-istess Unjoni huwa l-aqwa wieħed li seta’…

Brexit

Il-kabinett tal-Gvern tar-Renju Unit immexxi minn Theresa May illum iltaqa’ f’laqgħa mfissra bħala kruċjali dwar hux se jaqbel jew le mal-abbozz ta’ ftehim mal-Unjoni Ewropea għall-ħruġ mill-istess Unjoni. L-abbozz ta’…

Barranin

Indoneżjana li tilfet lill-għarus tagħha fl-inċident tal-ajruplan tal-Lion Air ki kkraxxja fil-baħar ħadet ir-ritratti tat-tieġ waħidha. Intan Sayari u Rio Nanda Pratama kellhom jiżżewġu fil-11ta’ Novembru, iżda l-ħolma tagħhom sfumat…

Barranin

Fir-Renju Unit il-grupp Action on Sugar għaddej b’kampanja biex jiġu pprojbiti l-milkshakes kbar li għandhom aktar minn 300 kalorija. Huwa qed jirreferi għalihom bħala freak shakes. Il-grupp stħarreġ dawn il-milkshakes…

Aktar