Lokali
Tattendi persuna waħda għall-protesta minn klijenti ta’ Satabank

L-ewwel minn sensiela ta’ protesti minn klijenti ta’ Satabank bdiet fuq nota pjuttost negattiva hekk kif kien hemm iktar ġurnalisti u pulizija milli klijenti.

Fil-fatt, għal din il-protesta tfaċċat persuna waħda, li spjegat li hija mhiex milquta direttament b’dak li ġara f’tas-Satabank, iżda marret hemm bħala solidarjetà għax taħdem ma’ kumpanija tal-igaming li hija klijenta ta’ Satabank.

Il-protesta kellha tibda fis-1.30pm iżda hekk kif daqqu s-2.10pm u ma tfaċċa ħadd, Susanne Person, li hija Żvediża spjegat lill-ġurnalisti preżenti li min organizza l-protesta għadu kemm infurmaha li inqalagħlhom xi ħaġa u mhux se jmorru.

Fl-istess waqt hija skużat ruħha mal-Pulizija preżenti li nqalgħu għalxejn, hekk kif l-organizzaturi applikaw formalment mad-Depot tal-Pulizija sabiex jorganizzaw din il-protesta u skont il-liġi, fuq il-post iridu jkunu preżenti numru ta’ pulizija.

Skont l-organizzaturi – Atusbuf Malta Association – minbarra l-protesta tal-lum, se jagħmlu protesti oħra bejn it-Tnejn u l-Ġimgħa, quddiem il-bini ta Satabank f’San Ġiljan, quddiem il-kumpanija tal-awdituri li tqabbdu mill-MFSA fl-Imsida, quddiem l-MFSA f’Ħ’Attard, quddiem il-Ministeru tal-Ekonomija fil-Belt u l-aħħar waħda nhar il-Ġimgħa quddiem Kastilja.

Skont email li ntbgħatet lill-midja dwar dawn il-protesti, il-klijenti ta Satabank se jipprotestaw għal fatt li m’għandhomx flus biex jixtru x’jieklu u jixorbu.

Aħbarijiet Oħra
Elezzjoni

Il-Kap tal-Moviment Patrijotti Maltin Henry Battistino qal li wara li ħareġ ir-riżultat tal-elezzjoni tal-Parlament Ewropew se jirriżenja. Fuq Facebook huwa kiteb li l-Partit li jħobb kellu disfatta u għalhekk se…

Lokali

Uffiċjali tad-Dwana mit-Taqsima tal-Propjetà Intellettwali nterċettaw container fil-Freeport li kien qed iġorr 26,688 qalziet tal-jeans ta’ ditta rinomata li però rriżultaw li kienu kontrafatti (foloz). Fi stqarrija maħruġa mid-Dwana ntqal…

Mużika

Il-grupp mużikali Meadow Strings ħareġ kanzunetta ġdida Alive. Meadow Strings huwa kompost minn Magdalene Farrugia u Mario Camileri. Fil-kanzunetta tagħhom, Alive huma japprezzaw is-sbuħija u l-importanza tal-ambjent. Miġbud qal is-siġar tal-Buskett…

Kronaka

Raġel ta’ 60 sena ndarab gravi wara li laqtitu l-karozza malli niżel minnha. L-inċident seħħ għall-ħabta tat-7.45am fi Triq ix-Xatt, il-Kalkara. Il-Pulizija tad-Distrett marru minnufih fuq il-post fejn minn stħarriġ…

Aktar