Qorti
Tefa’ €20 fil-passaport biex iħallu lil ħuh jgħaddi mill-MIA

Raġel ta’ 24 sena mill-Albanija ntbagħat sitt xhur ħabs wara li ammetta li pprova jxaħħam uffiċjal pubbliku tal-immigrazzjoni fl-ajruport internazzjonali ta’ Malta.

Endrit Hushi, li jaħdem fil-kostruzzjoni, wieġeb ħati li s-Sibt ipprova jxaħħam uffiċjal tal-immigrazzjoni.

Quddiem il-Maġistrat Claire Stafrace Zammit, b’rasu baxxuta u jibki, fil-Qorti nstema’ kif Endrit Hushi u ħuh kienu ġejjin mill-Maċedonja, u għal xi raġuni ħuh twaqqaf minn uffiċjal tal-immigrazzjoni sakemm isirulu iktar verifiki.

Minħabba li beża’ li ħuh mhux se jitħalla jgħaddi, tefa’ €20 fil-passaport u għaddihom lill-uffiċjal tal-immigrazzjoni bl-għan li jipprova jxaħħmu.

Il-prosekuzzjoni tmexxiet mill-Ispettur Darren Buhagiar, waqt li l-akkużat kien assistit mill-avukat ta’ għajnuna legali, Dustin Camilleri.

Aħbarijiet Oħra
Politika

Fi stqarrija mill-Uffiċju tas-Segretarju tal-Kumitat tas-Sigurtà intqal li l-Kap taċ-Ċivil ilu jokkupa l-kariga ta’ Segretarju tal-Kumitat tas-Sigurtà sa’ mis-sena 2001 fuq nomina u approvazzjoni tal-Prim Ministru ta’ dak iż-żmien, Eddie…

Politika

Id-Dipartiment tat-taxxa ġabar €106 miljun f’multi fuq taxxa mhux dikjarata fl-2018, wara li investigaw 1,366 każ li kienu jinkludu l-każijiet marbuta mal-Panama Papers u s-Swiss Leaks. Dan tħabbar mill-Ministru għall-Finanzi…

Qorti

Grupp ta’ 22 immigrant ġew ikkundannati 9 xhur ħabs u mmultati €800, wara li nstabu ħatja li ħadu sehem f’rewwixta fiċ-ċentru tad-detenzjoni f’Ħal Safi. Il-każ seħħ fis-sitta ta’ dan ix-xahar…

Qorti

Fix-xhieda tiegħu waqt l-inkjesta pubblika indipendenti fid-delitt tas-Sinjura Daphne Caruana Galizia, il-Kap tas-Servizzi tas-Sigurtà Joseph Bugeja qal li l-MSS kien jiddiskuti l-investigazzjonijiet waqt il-Kunsill tas-Sigurta li jinkludi fih l-Prim Ministru,…

Aktar