Saħħa
Tevita ċertu ikel biex ma tixgħelx l-infjammazzjoni fil-muskoli ta’ ġisimha

Eileen Mercieca qattgħet tliet kwarti ta’ ħajjitha fi sptar jew f’qiegħ ta’ sodda minħabba l-attakki ta’ uġigħ f’diversi partijiet ta’ ġisimha.  Riċentament sabet li qed tbati minn marda rari, li tiffjamma l-muskoli u tipparalizzaha għal ġranet u saħansitra ġieli xhur sħaħ.

Dal-aħħar sabet li qed tbati minn marda rari, li tiffjamma l-muskoli u tipparalizzaha għal ġranet u ġieli xhur sħaħ. Dieta u kura speċjalizzata li ngħatat minn sptar Taljan, għamlu differenza kbira f’ħajjet Eileen.  Kemm-il darba sarulha interventi kirurġiċi, iżda l-ebda wieħed ma rnexxa.  Ħadd qatt ma sabilha tarf il-mard li kienet tbati bih, sakemm wieħed mit-tobba kien issuġġerielha tagħmel test tad-DNA.

F’intervista fil-programm Insights, Eileen qalet li mit-testijiet irriżulta li tbati minn marda rari tal-Familial Mediterranean Fever.  Din tattakkalha partijiet varji f’ġisimha, bl-agħar li jkunu f’daharha, saqajha u qalbha.  Hija qalet, “Qisha xibka fuq il-muskolli li tiffjamma u jkollok deni qawwi, is-saħħa titilqek, u ma tkunx tista’ tiekol.  Iddum diversi ġranet u xhur hekk.”

Eileen qalet li ħajjitha ħadet żvolta meta marret tieħu l-kura fl-Isptar Gemelli fl-Italja fejn hemm tawha dieta u l-kundizzjoni tagħha tjiebet b’40% għax l-attakki ma baqgħux ikunu akuti.  Kompliet tirrakkonta li, “L-aktar ikel kruċjali li rrid nevita huma l-prodotti tal-ħalib apparti l-ġobon parmeġġjan u l-yoghurt għax hemm l-antibijotiċi naturali li jgħinu jiġġieldu mal-infjammazzjoni.”

Mindu saret membru fl-Alleanza Nazzjonali għall-Mard Rari, Eileen tgħid li tista’ taqsam il-problemi tagħha ma’ min ibati mill-istess marda tagħha, tant li qed tgħin tabiba Amerikana fir-riċerka dwar il-Familial Mediterranean Fever f’tentattiv li tinstab kura.  “Jiena fl-Alleanza Nazzjonali sibt familja oħra.  Ma tħossokx waħdek, tkun qed taqsam il-piż u tisma’ ta’ ħaddieħor.  Tiegħek tħossu inqas.”

L-Alleanza għall-Mard Rari qed tkompli ssib appoġġ professjonali anke f’livell internazzjonali miċ-Chairperson tal-Fondazzjoni Marigold Michelle Muscat li din il-ġimgħa se tindirizza kumitat tan-Nazzjonijiet Magħquda biex tħeġġeġ li l-aġenda tal-pazjenti b’kundizzjonijiet rari tingħata dimensjoni globali.

Aħbarijiet Oħra
Politika

Il-Kap tal-Partit Nazzjonalista Adrian Delia akkuża lill-Gvern li tilef ir-ruħ soċjali tiegħu, u li qed itellef lil pajjiż mill-fibra morali, tant li fi kliemu sar pajjiż li fih xi ħadd…

Politika

Il-Prim Ministru u l-Mexxej tal-Partit Laburista, Joseph Muscat, qal li issa huwa ż-żmien biex ikun hemm diskussjoni serja dwar l-integrazzjoni biex kulħadd iħossu ugwali. Dr Muscat qal li dan huwa…

Kultura

Festival ta’ films kontemporanji Taljani se jkun organizzat bejn għada u l-Ħadd li ġej mill-Istitut Taljan tal-Kultura b’kollaborazzjoni ma’ Spazju Kreattiv u l-Programm għall-Istudji tal-Film tal-Università ta’ Malta. Cinema Italia…

Saħħa

Il-kumpanija tal-Gvern Malta Air Travel ippubblikat sejħa għall-proposti biex jinstab operatur għas-servizz tal-ajru bejn Għawdex u Malta. Fi stqarrija konġunta bejn il-Ministeru tat-Turiżmu u l-Ministeru għal Għawdex intqal li l-ħelikopter…

Aktar