Barranin
Tfajla fl-Italja toqtol lill-missier vjolenti b’daqqa ta’ ponn

Tfajla ta’ 19-il sena fl-Italja qed tinżamm arrestata wara li qatlet lil missierha ta’ 41 sena, li kellu storja twila ta’ vjolenza domestika.

Il-qtil possibilment se jitqies bħala wieħed ta’ difiża, hekk kif fil-ħin li seħħ il-każ Lorenzo Sciacquatori kien qed isawwat lil bintu Deborah, kif ukoll lil ommha u lil nannitha.

Il-każ ixxokkja l-komunità ta’ Monterotondo Scalo, li kienu jafu bil-problemi ta’ Lorenzo, li jingħad li kien jabbuża mix-xorb u d-droga, u li kellu għadd ta’ rapporti fuq vjolenza domestika.

Residenti fl-inħawi li tkellmu mal-midja qalu li Deborah kienet tfajla eżemplari, tistudja u taħdem minkejja l-isfond tal-problemi familjari, li madankollu ma kinitx titkellem dwarhom.

Lorenzo Sciacquatori kien eks Champion tal-boxing, iżda matul is-snin kien inħakem mill-vizzji u xellef difrejh mal-liġi.

Bintu Deborah wkoll kienet tħobb tipprattika l-boxing, u għalkemm l-ewwel rapporti kienu jindikaw li Lorenzo nqatel b’sikkina, iktar tard kien ikkonfermat li miet b’emorraġija interna kawża ta’ daqqa ta’ ponn f’għajnu.

Allegatament Deborah qalet lill-Pulizija li ma riditx toqtol lil missierha, u li tagħtu daqqa biex tipproteġi lil ommha u lil nannitha waqt li kienu qed jippruvaw jaħarbu minn taħt idejh.

Aħbarijiet Oħra
Barranin

Il-Prim Ministru tal-Kanada Justin Trudeau qal li ma jistax jiftakar kemm-il darba żebagħ wiċċu iswed meta kien żagħżugħ, hekk kif ir-ritratti tiegħu bl-irtokk iswed f’wiċċu komplew jiddominaw il-kampanja għall-elezzjoni tal-21…

Barranin

L-Interpol qalet li waqt operazzjoni marittima li kkordinat fil-Mediterran, identifikat aktar minn 12-il suspettat terrorist barrani li qed jivjaġġa fil-Mediterran. L-aġenzija globali tal-pulizija bbażata fi Franza fi stqarrija kompliet tgħid…

Barranin

Booking.com qed tqarraq bil-konsumaturi li jirrikorru biex jibbukkjaw xi lukandi jew appartamenti onlajn. Dan qalitu l-għaqda Which? li investigat lill-kumpanija flimkien ma’ 5 oħra biex tevalwa jekk il-klijenti humiex qed…

Barranin

Tliet uffiċjali għolja ma nstabux ħatja ta’ traskuraġni mill-Qorti tal-Ġappun, fl-uniku każ kriminali marbut mad-diżastru tal-impjant nukleari Fukushima tmien snin ilu. Meta fl-2011 tsunami laqat l-impjant ta’ Tokyo Electric Power,…

Aktar