Lokali
Tfajla Maltija mistiedna mir-Reġina Eliżabetta f’Buckingham Palace

Martina Caruana, tfajla Maltija ta’ 25 sena, ġiet mistiedna mir-Reġina Eliżabetta f’Buckingham Palace biex tingħata premju prestiġġjuż.

Martina ilha taħdem qatigħ biex ittejjeb ħajjet ħaddieħor u għalhekk hija se tiġi rrikonoxxuta bi premju tal-Queen Young Leaders Award f’ċerimonja speċjali li se ssir f’Buckingham Palace f’Londra nhar is-26 ta’ Ġunju li ġej.

Bħal Martina se jkun hemm żgħażagħ oħra mill-pajjiżi tal-Commonwealth li ħadmu b’mod pożittiv biex għenu lill-komunità.

Martina dejjem ħadmet qatigħ biex tagħti sapport lin-nisa f’rwoli ta’ mexxejja u dan dejjem għamlitu bil-għan li tqajjem aktar kuxjenza dwar l-isfidi u l-ostakli li jiffaċċjaw magħhom in-nisa fid-dinja tax-xogħol f’Malta.

Martina ntagħżlet wara proċess kompetittiv li nvolva eluf ta’ applikanti minn madwar il-pajjiżi Commonwealth li qed jaħdmu biex jagħmlu l-ġid fil-komunità.

Fost it-temi globali li qed jaħdmu għalihom dawn iż-żgħażagħ hemm it-tibdil fil-klima, in-nuqqas fit-tqassim tal-ikel, il-vjolenza abbażi tas-sess, is-saħħa mentali u l-aċċess għall-edukazzjoni.

Ir-rebbieħa ta’ dan il-premju prestiġġjuż mistennija jirċievu kors fl-Università ta’ Cambridge fejn se jżuru r-Renju Unit għal programm li jwassalhom għal bosta opportunitajiet oħra ta’ networking, laqgħat u stħarriġ magħmul biex jgħinhom jiżviluppaw bħala mexxejja tal-futur.

 

 

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar