Lokali
Tfal fl-iskejjel se jibdew jingħataw ħalib, ħaxix, u frott

It-tfal li jattendu l-iskejjel primarji tal-istat, tal-knisja u indipendenti fil-ħames snin li ġejjin ser jingħataw frott, ħaxix u ħalib bil-għan li titrawwem kultura ta’ ikel tajjeb għas-saħħa bħala parti mill-istrateġija kontra l-obeżità.

Fit-tnedija tal-iskema fl-iskola primarja tan-Nadur Għawdex, is-Segretarju Parlamentari għall-Biedja Clint Camilleri qal li l-iskema, li ser tiswa ftit inqas minn miljun ewro, se tkopri l-ispejjeż għat-tqassim tal-ħalib li se jiġi nkluż mal-frott u l-ħaxix.

“Il-Gvern tripla l-fond tiegħu sabiex nassiguraw li jasal frott, ħaxix u ħalib bnin għall-istudenti tagħna, ħalli nkomplu nrawwmu l-edukazzjoni fost it-tfal, għall-ikel nutrittiv, l-ikel tajjeb u għal dieta bbilanċjata,” spjega s-Segretarju Parlamentari.

Il-Perit Camilleri żied jgħid li dan għandu jqanqal għarfien dwar ir-rwol ta’ dawn il-prodotti fid-dieta u fl-importanza tal-biedja. Fl-attività tnieda wkoll il-mascot ‘Ninu l-Bninu’ imnebbaħ mid-disinn rebbieħ ta’ tifel li li attenda Skolasajf.

Intant, id-Direttorat għall-Promozzjoni tas-Saħħa u Prevenzjoni tal-Mard nieda linji gwida dwar id-dieta għat-tfal ta’ età bejn it-3 u t-12-il sena.

Id-Direttur Ġenerali tas-Saħħa Pubblika, Charmaine Gauci, qalet li l-linji gwida huma parti mill-isforzi boiex tonqos l-obeżità fit-tfal. Qalet li l-ewwel studji li sar juri li 40 fil-mija tat-tfal Maltin għandhom piż żejjed bl-akbar problema hija fost it-tfal ta’ bejn il-ħames u t-tmien snin.

Id-direttur tad-Direttorat Paula Vassallo qalet li l-linji gwida jagħmlu emfasi fuq id-daqs tal-porzjonijiet tal-ikel. “Qed juża l-id tat-tifel jew tifla biex jagħti indikazzjoni kemm għandna nagħtuhom ikel. Per eżempju jista’ juża ponn, jew jista’ juża s-swaba għal kemm għandna nieħdu ġobon, jista’ juża wkoll il-pala tal-id, il-pala bis-swaba, biex aħna jkollna indikazzjoni aktar ċara ta’ kemm għandna nagħtuhom.”

Dr Vassallo qalet li barra ikel bil-qies u bilanċjat, t-tfal għandhom jagħmlu eżerċizzju fiżiku għal siegħa kuljum li tista’ tkun imqassma f’perjodi iqsar f’ħinijiet matul il-ġurnata.

Aħbarijiet Oħra
Lokali

Waslet fi tmiemha l-Presidenza Awstrijaka tal-Kunsill Ewropew, bl-Ambaxxatur Awstrijakk għal Malta, Andreas Stadler, jgħid li fit-tliet oqsma li l-Presidenza Awstrijaka kienet identifikat bħala l-miri tagħha għall-presidenza ġie reġistrat progress. Semma…

Sigurtà

F’tarzna fl-Italja beda x-xogħol fuq l-akbar investiment li qatt daħlet għalih l-armata Maltija: il-bini ta’ patrol boat kbira bi spiża ta’ madwar €50 miljun. Hu pjanat li sa sentejn oħra…

Lokali

Inawgurat ilejla l-għaxar edizzjoni tal-presepju ħaj: “Bethlehem f’Għajnsielem” . . . l-ewwel attrazzjoni tal-Milied mal-wasla f’Għawdex li ta’ kull sena jilqa’ eluf ta’ viżitaturi biex iġeddu l-esperjenza tat-twelid ta’ Ġesù….

Kronaka

Raġel ta’ 60 sena weġġa’ fil-korsa tal-Marsa llum għall-ħabta tas-1.30 ta’ waranofsinhar. Il-Pulizija qalet li l-inċident seħħ waqt li kienu għaddejjin it-tiġrijiet taż-żwiemel. Ir-raġel, li joqgħod ix-Xewkija, ttieħed l-isptar Mater…

Aktar