Tfal
Tfal fil-fostering jistgħu jiġu adottati wara 3 snin

F’ċirkostanzi straordinarji familji li jiffosterjaw se jkunu jistgħu jadottaw lit-tfal wara tliet snin biss li jkunu fil-kura tagħhom. Dan bis-saħħa ta’ emendi fil-liġi l-ġdida għall-protezzjoni tal-minuri li daħlet fis-seħħ ftit tal-jiem ilu. Il-Ministru għall-Familja Michael Falzon ħabbar li qed jiġi ppjanat ċentru terapewtiku għal tfal b’imġiba diffiċli.

Wara li ftit tal-jiem ilu daħlet fis-seħħ il-liġi tal-protezzjoni tal-minuri, il-Ministru għall-Familja Michael Falzon qal li minħabba s-sensittività ta’ din il-liġi, l-abbozz baqa’ jiġi rfinut sal-aħħar minuta. Qal li fost it-tibdil li sar infetħet it-triq biex familja li tiffosterja lit-tfal tista’ tibda l-proċeduri għall-adozzjoni tal-istess tfal wara ħames snin minflok għaxar snin. Dr Falzon qal f’każijiet straordinarji, il-proċedura tal-adozzjoni tista’ tibqa’ anke wara tliet snin. Il-Ministru qal ukoll li b’din il-liġi l-ġdida hemm ippjanat ċentru terapewtiku għal tfal b’aġir diffiċli ħafna.

Michael Falzon qal “ġieli jkollok minuri li għal raġunijiet diversi jkunu inkontrollabli li jagħmlu ħsara lilhom nfushom u oħrajn, u flok ma jispiċċaw ħabs, jintbagħtu f’dan iċ-ċentru għal edukazzjoni u terapija”.

Il-konsulent dwar dil-liġi, Dr. Andy Ellul spjega bidliet importanti li daħlu fis-seħħ f’din il-liġi fosthom il-protezzjoni li qed tingħata wkoll lil professjonisti u l-istrutturi li jiżguraw l-aħjar interessi tat-tfal.

Aħbarijiet Oħra
Politika

Is-Sindku tal-Belt Valletta, Alfred Zammit, appella għall-għaqda nazzjonali u s-sens komun, fl-isfond ta’ protesti regolari. Fi stqarrija maħruġa flimkien mal-kunsilliera Laburisti, is-Sindku qal li l-komunità residenzjali fil-Belt qed tbati l-konsegwenzi,…

Politika

F’nofsinhar għalqu n-nomini għall-elezzjoni każwali fit-tielet distrett, għas-siġġu vakat minn Helena Dalli wara li inħatret Kummissarju Ewropew. L-erba’ kandidati li tefgħu in-nomina tagħhom huma Jean Claude Micallef, Edric Micallef, Sebastian…

Politika

It-Tnejn fetħu n-nomini tal-kandidati li se jkunu qed jikkontestaw għall-kariga ta’ mexxej tal-Partit Laburista. Dan hekk kif ftit iktar minn ġimgħa ilu, il-Prim Ministru Joseph Muscat ħabbar li se jkun…

Qorti

L-eks Chief of Staff Keith Schembri rtira żewġ kawżi ta’ libell li kien fetaħ kontra Daphne Caruana Galizia. Dan intqal waqt seduta tal-lum li matulha kellhom jinstemgħu l-kawżi mill-Maġistrat Victor…

Aktar