Edukazzjoni
Tfal jiktbu fir-ramel u jibnu l-kastelli

Matul is-sajf il-bajjiet u x-xtut tal-kosta Maltija jkunu miżgħuda tfal u familji li jqattgħu il-ħin jiddevertu, jgħumu u jieħdu gost flimkien.

Konxja mill-ambjent rilassanti qrib il-baħar, l-Aġenzija Nazzjonali tal-Litteriżmu ħasbet li torganizza inizjattiva għal tfal taħt it-tmien snin u l-ġenituri tagħhom biex tinkoraġixxi l-imħabba għall-kitba.

Fil-bajja ta’ San Ġorġ f’Birżebbuġa lmaħna bosta tfal li minflok jaqbżu, jiġru jew jgħumu, sibniehom iħarbxu kliem differenti fir-ramel, jisimgħu storja qasira, jiktbu poeżija u jibnu kastelli tar-ramel.

L-inizjattiva tal-Aġenzija Nazzjonali tal-Litteriżmu msejħa ‘Xalati ta’ kitba’ hi maħsuba għal tfal ta’ bejn il-ħamsa u t-tmien snin li akkumpanjati mill-ġenituri tagħhom bdew jimirħu fil-kreattività tal-kitba relatata max-xhur tas-sajf u l-baħar.

Erika Borg Medati li tmexxi dal-programmi qalet li din l-attività hi maħsuba li tippromwovu l-litteriżmu u tgħin lill-ġenituri jiksbu aktar għarfien ta’ kif jgħinu u jinkoraġixxu lill-uliedhom iħobbu l-qari u l-kitba.

Erika Borg Medati qalet “aħna nippromwovu l-istrateġiji tal-kitba u dawn l-istrateġiji l-ġenituri jkunu jistgħu jagħmluhom flimkien ma’ wliehom id-dar biex jgħinu li t-tfal tagħna għada pitgħada jkunu litterati”.

L-għanijiet tax-xalata huma li l-kitba sservi ta’ esperjenza pożittiva u tkun relatata mal-ħajja ta’ kuljum, tħeġġeġ lill-ġenituri jieħdu sehem f’attività edukattiva ma’ wliedhom f’atmosfera rilassanti u ta’ gost.

‘Xalati ta’ Kitba’ huma organizzati darba fix-xahar f’lokalitajiet differenti u huma bla ħlas.

Aħbarijiet Oħra
COVID-19

L-Assoċjazzjoni Medika Maltija (MAM) qed tħeġġeġ lill-pubbliku sabiex ikun iddixiplinat u jsegwi l-pariri tal-esperti mediċi biss. Fi stqarrrija l-MAM esprimiet tħassib dwar il-proposti tal-Prim Ministru li qalet huma mingħajr bażi…

Kultura

Ir-restawr fuq l-ikbar esebit fil-Mużew Marittimu lest. Il-Pulena, li għamlet żmienha fuq il-pruwa tal-HMS Hibernia, reġgħet lura għall-glorja tagħha. Għalissa fis-skiet għaliex il-pandemija għalqet il-bibien tal-mużewijiet, imma la jerġgħu jiftħu…

Stejjer Umani

Sentejn ilu waqa’ għall-vizzju tad-droga għax tilef lill-ommu u sofra minn sfidi mentali, iżda issa ddeċieda li jidħol għall-programm tal-Caritas biex ikun jista’ jerġa’ jgħannaq lil familtu u jgħin persuni…

Aktar