Kurżitajiet
Il-Facebook issa wkoll għat-tfal?

Il-kumpanija Facebook tintroduċi app ġdida għat-tfal taħt it-13-il sena.

Skont ir-regoli ġenerali tal-kumpanija Facebook, tfal taħt it-13-il sena m’għandhomx ikollhom aċċess għal Facebook. Iżda, it-tfal, jekk ma jidħlux minn bieb jidħlu minn tieqa.

20 miljun tfal taħt l-età jużaw Facebook

Il-kumpanija temmen li dan kollu jiġri minħabba metodi ta’ kontroll li mhux qed jiġu rinfurzati biżżejjed u, huwa maħsub li hemm 20 miljun tfal taħt l-età li jagħmlu użu minn dan in-network.

Biex tindirizza din il-problema, il-kumpanija ħolqot app ġdida magħmula apposta għat-tfal żgħar. Din l-app tirrikjedi l-approvazzjoni tal-ġenituri u l-kumpanija wegħdet li mhux ser tintuża għal ebda skop ta’ riklamar u negozju.

Messenger Kids disponibbli biss fl-Istati Uniti

Din l-app, magħrufa aħjar bħala Messenger Kids, hija verżjoni sempliċi u aktar sigura tal-Facebook Messenger.

L-app tnediet it-Tnejn li għadda u hija għal issa disponibbli biss fl-Istati Uniti għal sistemi li joperaw bl-iOS.

Aħbarijiet Oħra
Barranin

Telgħu għal 43 il-vittmi tat-traġedja li seħħet f’Genova nhar it-Tlieta meta ġġarrfet parti sostanzjali tal-ponte Morandi. Is-Sibt sar il-funeral statali ta’ 19 minn dawn il-vittmi. TVM tkellem ma’ żagħżugħa minn…

Ikel

Restaurant fil-Ġermanja pprojbixxa li jidħlu tfal taħt l-14-il sena wara l-5pm biex l-adulti jieklu fil-paċi. Oma’s Küche, li tfisser il-kċina tan-nanna, ħa din id-deċiżjoni biex il-klijenti li jmorru jieklu, iqattgħu…

Barranin

Meqjus bħala wieħed mill-iktar diplomatiċi ewlenin fid-dinja u l-ewwel Afrikan ta’ ġilda skura li laħaq Segretarju Ġenerali tan-Nazzjonijiet Magħquda, Kofi Annan miet fl-età ta’ 80 sena. Huwa miet l-Iżvizzera wara…

Barranin

Funeral statali illum għal tmintax-il vittma tat-traġedja tat-tiġrif tal-pont Morandi f’Genova it-Tlieta li għadda. Preżenti għall-funeral statali se jkun hemm il-President Taljan Sergio Mattarella u l-Prim Ministru Giuseppe Conte. S’issa…

Aktar