Barranin
Tgħid l-użu tat-telefowns ċellulari qed ibiddel it-tumuri fil-moħħ?

L-inċidenza ta’ tumuri aggressivi fl-Ingilterra jirriżulta li qed tirdoppja tant li qed jitqanqal tħassib wara studju ġdid li ħareġ dan l-aħħar.  Ir-rata ta’ glioblastoma żdiedet minn 2.4 għal 5 għal kull 100,000 ruħ fl-Ingilterra bejn l-1995 u l-2015.

L-istudju ppubblikat mir-rivista dwar l-Ambjent u s-Saħħa Pubblika jgħid li minn analiżi ta’ data kienu riflessi ċerti xejriet ta’ każi ta’ kanċer fil-moħħ, li r-riċerkaturi qed jattribwuhom għall-istil ta’ ħajja li qed ngħixu u jistgħu jkunu l-fatturi għal din iż-żieda fl-inċidenza ta’ dan it-tip ta’ mard.

Fost il-fatturi li jelenkaw ir-riċerkaturi hemm l-użu tat-telefowns ċellulari u bidliet fil-moħħ tal-bniedem.  L-istudju sar fuq il-mod kif qed jinbidlu t-tumuri u r-riċerkaturi qed jissuspettaw li l-kawża ta’ dan it-tibdil ġejja mill-użu tat-telefowns ċellulari.

Skont ir-riċerkaturi, it-tumuri jinsabu fuq quddiem tal-moħħ u fil-parti bejn il-moħħ u l-widnejn.  Din hija r-raġuni għala qed ikun suspettat li t-tumuri fil-moħħ qed ikunu kkawżati mit-telefowns ċellulari.

Madankollu, ir-riċerkaturi qed iwissu li m’hemmx lok għall-allarm, għax it-tumuri fil-moħħ huma rari ħafna u r-riskju huwa żgħir ħafna.  Il-parir tagħhom huwa biex ma jsirux telefonati twal ħafna bit-telefown ċellulari jew inkella jsiru hands-free.

Din mhix l-ewwel darba li riċerka wriet rabta bejn ir-radjazzjoni tat-telefowns ċellulari u r-riskji tal-kanċer, tant li bosta mistoqsijiet li jsiru għadhom bla tweġiba f’dan ir-rigward.

Aħbarijiet Oħra
Barranin

Għalliem tax-xjenza fil-Kenja ngħata premju monetarju ta’ $1m bħala l-aqwa għalliem fid-dinja għaliex tant huwa ddedikat li saħansitra jonfoq kważi l-paga kollha fuq l-istudenti tiegħu. Peter Tabichi, li huwa qassis…

Barranin

B’aktar minn 90 fil-mija tal-voti mgħaduda, il-partit favur l-armata fit-Tajlandja jidher li qiegħed fuq quddiem, wara li saret l-ewwel elezzjoni mill-kolp ta’ stat ħames snin ilu. Jidher li l-partit Palang…

Aktar