Sajd
Tgħid li l-ħlasijiet kienu jsiru lilha bħala direttur skont il-liġi

Dr Andreina Fenech Farrugia li ġiet sospiża mid-Direttur Ġenerali tas-Sajd u l-Akwakultura fuq allegazzjonijiet li talbet ħlas mill-kumpanija Spanjola biex tiżdied il-kwota tat-tonn, kompliet tiċħad bil-qawwa l-allegazzjoni kontriha u sostniet li dejjem imxiet b’mod professjonali, etiku u ġust fit-twettieq tad-doveri tagħha.

Hija xehtet dubju fuq t-traskrizzjoni tat-telefonati u allegat li dawn ġew misinterpretati u meħuda barra l-kuntest tagħhom. Dr Fenech Farrugia qalet li fuq ix-xogħol tagħha kienet titkellem mal-operaturi kollha fis-settur tal-akwakultura u kienet aċċessibbli għal kulħadd.

Hija kompliet tiċħad u talbet jew irċeviet xi flus għaliha personali u qalet li huwa ovvju li jekk intalbet żieda leġittima fil-kwota tat-tonn kellhom jintalab il-ħlas għad-dipartiment. Qalet li dawn il-ħlasijiet skont il-liġi kienu jsiru lilha bħala direttur. Dr Fenech Farrugia qalet li ż-żieda fil-kwota tat-tonn saret skont il-liġi bl-awtorizazzjoni tal-organi kompetenti u wara ħlasijiet ta’ mijiet ta’ eluf ta ewro bħala direttur li ġew stabbiliti skont il-liġi u b’deċiżjonijiet ministerjali.

Semmet ukoll li fil-kariga tagħha kien hemm okkażjoni li fihom ħadet passi kontra l-operatur li qed jiġi allegat li kienet f’kollużjoni miegħu. Hija qalet li ser tkompli tikkopera mal-awtoritajiet sabiex toħroġ il-verità u biex jiġu ċċarati l-impressjonijiet żbaljati, il-misinterpretazzjoni u l-allegazzjonijiet li saru kontrih fl-aħħar ġranet. Qalet ukoll li hija nħatret bħala Direttur Ġenerali tas-sajd fl-2013 wara sejħa pubblika fuq il-mertu tal-esperjenza u kwalifiki tagħha.

Aħbarijiet Oħra
Politika

Il-Kap tal-Partit Nazzjonalista Adrian Delia akkuża lill-Gvern li tilef ir-ruħ soċjali tiegħu, u li qed itellef lil pajjiż mill-fibra morali, tant li fi kliemu sar pajjiż li fih xi ħadd…

Politika

Il-Prim Ministru u l-Mexxej tal-Partit Laburista, Joseph Muscat, qal li issa huwa ż-żmien biex ikun hemm diskussjoni serja dwar l-integrazzjoni biex kulħadd iħossu ugwali. Dr Muscat qal li dan huwa…

Kultura

Festival ta’ films kontemporanji Taljani se jkun organizzat bejn għada u l-Ħadd li ġej mill-Istitut Taljan tal-Kultura b’kollaborazzjoni ma’ Spazju Kreattiv u l-Programm għall-Istudji tal-Film tal-Università ta’ Malta. Cinema Italia…

Saħħa

Il-kumpanija tal-Gvern Malta Air Travel ippubblikat sejħa għall-proposti biex jinstab operatur għas-servizz tal-ajru bejn Għawdex u Malta. Fi stqarrija konġunta bejn il-Ministeru tat-Turiżmu u l-Ministeru għal Għawdex intqal li l-ħelikopter…

Aktar