Stejjer Umani
Tħoss paċi kbira meta tmur iżżur lil Ġorġ l-Għannej tal-Mulej

Ġorġ Agius, magħruf bħala l-Għannej tal-Mulej, li ilu 3 xhur rikoverat f’St Vincent de Paule qal lill-programm Umani li jħossu kuntent għaliex xorta baqa’ jwassal il-kelma ta’ Alla ma’ sħabu l-anzjani.

Ġorġ, illum ta’ 92 sena mill-Birgu, jirrakkonta li meta kien żgħir kellu jieqaf mill-iskola biex jgħin lill-familja fqira tiegħu, u kien joħroġ bil-ħmara u l-karettun ma’ missieru, ibiegħu l-ħaxix.

Oħt Ġorġ, Ġuża li hija iżgħar minn ħuha, tirrakkonta li tiftakar lil ħuha jaħdem lix-xatt, u jbati fis-siment.  Neputija ta’ Ġorġ, Doris Sultana qalet li kull meta tkun ħdejn iz-ziju tagħha meta żżuru f’St Vincent de Paule, tħoss paċi kbira.

Ġorġ illum minkejja li m’għadux iżur il-morda kif għamel għal dawn l-aħħar sittin sena, xorta baqa’ jgħanni u jferrah lin-nies ta’ madwaru.

L-intervista li għamlet Maria Muscat lil Ġorg Aġius se tixxandar illum fil-programm Umani, fil-5pm fuq TVM.

Aħbarijiet Oħra
Kultura

Statwa tal-Madonna li kellha tagħmel il-wisa’ għall-proġett tal-Kappara se tirritorna fl-inħawi f’niċċa ferm isbaħ. Ix-xogħol fil-ġebla miexi ġmielu bil-għan li fi żmien tliet xhur, fil-ġenb tal-pont ikun hemm niċċa monumentali…

Politika

Il-Kap tal-Oppożizzjoni u tal-Partit Nazzjonalista, Adrian Delia, allega li l-ħaddiema barranin qed jaħdmu b’kundizzjonijiet anqas mill-prekarjat. Waqt attività politika f’Tas-Sliema bħala parti mill-Kunsill Ġenerali, Dr Delia qal li l-Gvern qed…

Qorti

Raġel Malti talab lill-Qorti tal-Familja tagħtih il-kustodja ta’ bintu ta’ 4 snin li spiċċat tgħix fi sptar mentali fl-Iżvizzera flimkien m’ommha. Il-Qorti semgħet kif l-omm, li hija Ġermaniża, kellha problemi…

Unjoni Ewropea

Il-Gvern ħabbar li nnomina tliet kandidati għall-Qorti Ewropea tad-Drittijiet tal-Bniedem, hekk kif it-terminu tal-Imħallef Vincent A. De Gaetano se jiġi fi tmiemu lejn l-aħħar ta’ Settembru ta’ din is-sena. Fi…

Aktar