Lokali
Tibqa’ bla kumpens wara li ħallset l-ispejjeż għal ħsara kawża tal-maltemp

Kumpanija tal-assigurazzjoni baqgħet b’xiber imnieħer wara li ċint waqa’ fuq karozza kawża tal-maltemp.

Il-Qorti ppreseduta mill-Maġistrat Francesco Depasquale semgħet li s-sid tal-karozza pparkkja l-karozza tiegħu fi Triq il-Fliegu, San Pawl il-Baħar, biswit ħajt li kien jagħlaq propjetà.

Huwa pparkkjaha hemm nhar is-7 ta’ Novembru, 2014, ġurnata ddominata minn maltempata kbira, li l-istess sid tal-karozza ddeskrivieha bħala tempesta kbira.

Fil-Qorti nstema’ li l-għada meta mar għall-karozza sab il-ħajt waqa’, bil-karozza kellha ħsarat estensivi. Kawża tal-inċident, huwa kellu ħsarat b’valur ta’ €8,338, liema flus tħallsu mill-kumpanija tal-assigurazzjoni tiegħu.

Min-naħa tagħha l-kumpanija tal-assigurazzjoni fittxet is-sid tal-art fejn kien hemm il-ħajt.

Filwaqt li d-difiża argumentat li l-ħajt ma kienx miżmum tajjeb, il-perit qal li l-ħajt kien imtella’ tajjeb, madankollu minħabba li l-ħajt kien boundary wall, kien suġġett għall-possibbiltà li jaqa’ f’każ ta’ ċiklun.

Il-Qorti nnotat li dakinhar l-Uffiċċju Metereoloġiku ta’ Malta avża li Malta kienet milquta minn ċiklun żgħir imlaqqam Medicane. Innotat ukoll li anke skont ir-rapportaġġ tat-temp fuq il-mezzi tax-xandir il-maltemp kien ħalla ħsarat kbar.

Il-Qorti qalet li l-ħajt waqa’ kawża tal-maltemp u għalhekk ma laqgħetx it-talba tal-kumpanija tal-assigurazzjoni biex is-sid tal-ħajt iħallas id-danni.

Aħbarijiet Oħra
Lokali

Eyob Melake Ecobagaber, Eritrean ta’ 27 sena nżamm arrestat wara li ġie mixli li lbieraħ stupra mara Franċiża f’Paceville. Huwa ġie arrestat wara li l-Pulizija rċeviet telefonata anonima li kien…

Lokali

Il-Malta Industrial Parks se tkun qed tinvesti €190,000 f’bowsers ġodda li jissupplixxu bl-ilma l-vetturi tat-tifi tan-nar tad-Dipartiment tal-Protezzjoni Ċivili. Il-Ministru għall-Intern Michael Farrugia qal li wara inċidenti kbar bin-nirien fil-pajjiż…

Lokali

Raġel ta’ 84 sena jinsab fil-periklu tal-mewt wara li aktarx waqa’ waqt li kien qiegħed jagħmel użu minn sellum ġewwa r-residenza tiegħu. Il-każ seħħ fi Triq Nicolo Isouard il-Mosta. Il-Pulizija…

Lokali

Ħabib tal-Kuntistabbli Simon Schembri fetaħ fond ta’ għajnuna f’żewġ banek lokali sabiex jgħinu. Fuq Facebook, il-ħabib tiegħu kiteb li t-triq tar-rijabilitazzjoni u ta’ fejqan tal-Pulizija Simon Schembri se tkun twila ferm…

Aktar