Barranin
Tifel ifiq mil-leukemia eżatt kif it-tobba kienu qatgħu qalbhom

Tifel ta’ 8 snin ninn Lancashire, fir-Renju Unit, kien ilu marid bil-leukemia mindu kellu sentejn.  Bejn it-trapjanti tal-mudullun u l-kimoterapija, it-tobba għamlu minn kollox biex ifejquh iżda bla ebda riżultat.

Tant beda sejjer lura t-tifel, li f’ċertu punt, it-tobba ddeċidew li jwaqqfu l-kura li kien qed jingħata.  Huma bassru li t-tifel mhux se jagħmilha sal-Milied.  Madanakollu, f’daqqa waħda, meta kulħadd tilef kull tama, il-kundizzjoni ta’ saħħet it-tifel bdiet titjieb.

It-tobba qed iqisu dan bħala miraklu minħabba li l-każ ta’ Julian kien rari ħafna, l-uniku minn fost xi 7 biljun ruħ jgħaddu mis-sitwazzjoni li kien qed jiffaċċja t-tifel.  Issa t-tip ta’ kanċer rari li għandu Julian ċkien sostanzjalment u l-leukemia m’għadhiex titqies bħala akuta imma li tista’ titfejjaq.

Ommu Aneta hija konvinta li b’dieta speċjali li kienet titma’ lil binha, li tikkonsisti f’ħalib (magħmul minn pjanti u li jintuża bħala rimedju naturali għal min ikun marid), ilma bl-alkalina u frott frisk magħsur, wasslu biex Julian qaleb għall-aħjar u qed ifieq mill-marda terminali li kellu.

Għat-tobba dan huwa każ li seta’ jitfejjaq biss b’miraklu ma’ Julian!

Aħbarijiet Oħra
Temp

Meta jaħkem il-maltemp, ħafna nies ifittxu l-irdoss ta’ darhom, u għalhekk ftit huma dawk li jirnexxielhom jaraw il-pajsaġġ Malti mixgħul u mdallam mill-elementi. Għadd kbir ta’ ritratti li ttieħdu fl-aħħar…

Barranin

Mas-60 persuni, fosthom tfal, tilfu ħajjithom, u madwar 100 oħra sfaw feruti meta ntlaqtu minn ferrovija fl-istat ta’ Punjab, fl-Indja. Filmat li nġibed minn mobile juri dawn il-mumenti xokkanti. It-traġedja ġrat…

Barranin

L-Arabja Sawdija ammettiet li l-ġurnalist Jamal Khashoggi nqatel fil-konsolat tagħha fit-Turkija, wara li għal ħmistax sħaħ sostniet li dan kien ħareġ mill-konsolat qawwi u sħiħ. Il-midja tal-istat tas-Sawdi kkwotat l-ewwel…

Barranin

Anzjan spiċċa b’imnieħru u tliet kustilji miksurin wara li qala’ xebgħa mingħand sid ta’ restorant talli ordna biss antipasto.  Il-każ seħħ f’Arezzo fl-Italja u jinsab f’ħoġor il-Qorti. Il-klijent, li għandu…

Aktar