Stejjer Umani
Tifla timmuta wara li rat l-inċident iseħħ quddiemha

Tifla xxukkjat ruħha b’dak li rat iseħħ quddiemha fil-jum tal-14 t’Awwissu meta ġġarraf il-pont Morandi f’Genova, l-Italja.

Hija kienet qed tittawwal mit-tieqa tad-dar tagħha tara l-logħob bid-dawl tas-sajjetti fis-smewwiet meta f’daqqa rat ix-xeni drammatiċi tal-pont jaqa’ u jikkawża ħoss kbir fl-inħawi.

Wara, hija spiċċat tiġri fit-triq m’ommha għax beżgħu li se taqa’ d-dar tagħhom li tinsab taħt dan il-pont.  Dak il-mument baqa’ f’moħħ it-tifla u minn dakinhar ‘l hawn hija qatt ma tkellmet iktar.

Din l-istorja, li qed tixxandar fuq il-media Taljana, hija waħda minn fost bosta oħra li qed jitrattaw il-psikologi li tqabbdu apposta biex jassistu lir-residenti wara t-trawma li għaddew minnha kawża ta’ dan l-inċident.  Skont il-psikologi, ix-xokk li ħadet kien viżiv u emottiv tant li wassal biex it-tifla bħal donnu bblukkat.

Id-diżastru li seħħ f’Genova bħal donnu ttrawmatizza lit-tifla, li skont l-esperti, sakemm toħroġ minnha se tieħu ż-żmien iżda qalu li hija xi ħaġa temporanja.  Sadanittant, biex tikkomunika, it-tifla qed tpinġi, bit-tama li xi darba terġa’ tibda titkellem.

L-istraġi li seħħet ix-xahar li għadda fl-Italja, mhux talli kellha riperkussjonijiet bi mwiet ta’ nies li kienu fl-inħawi, oħrajn li ndarbu, kif ukoll bosta li spiċċaw bla dar, iżda wkoll ikkawżat theżżiża daqs li kieku għamel terremot qawwi fiż-żona.

Aħbarijiet Oħra
Barranin

Joaquin Guzman, magħruf bħala El Chapo, ġie kkundannat għomru l-ħabs, u 30 sena oħra magħhom, minn Qorti fl-Istati Uniti. El Chapo ta’ 62 sena kien il-kap tal-ikbar ċirku ta’ traffikar…

Barranin

Il-kittieb Sqalli, Andrea Camilleri, miet fl-età ta’ 93 kmieni dalgħodu. Camilleri, li kien magħruf għall-kotba tiegħu tal-Kummissarju Montalbano, miet fl-isptar fejn kien rikoverat wara li kien sofra minn attakk tal-qalb…

Unjoni Ewropea

Il-Parlament Ewropew għadu kif approva n-nomina tal-Ġermaniża, Ursula von der Leyen bħala President tal-Kummissjoni Ewropea għall-ħames snin li ġejjin. Kif mistenni qabel il-vot tal-lejla, il-Parlament kien maqsum fuq in-nomina tagħha…

Barranin

L-għaqda bejn l-istati membri u t-tħaddin tal-valuri Ewropej kienu fil-qofol tal-viżjoni li l-Ġermaniża Ursula von der Leyen ppreżentat lill-Parlament Ewropew. F’diskors ta’ madwar nofs siegħa li matulu osservaturi qalu li…

Aktar