Fondi UE
Tindif u restawr ta’ 12-il wied f’Għawdex b’€10 miljun mill-UE

Se jingħata bidu għaż-żewġ proġetti b’investiment ta’ €10 miljun għat-tindif tal-widien, għall-immaniġġjar tal-ilma u għall-iżvilupp tal-pajsaġġ f’Għawdex.

Il-widien li se jiġu riabilitati huma Wied tax-Xlendi, Wied Imġarr ix-Xini, Wied tal-Grazzja, Wied Riħan, Wied ta’ Grajgel, Wied il-Wileġ, Wied Imġarr, Wied ta’ Xħajma, Wied ta’ Marsalforn, Wied tal-Ort, Wied l-Infern u Wied il-Kbir.

Dan tħabbar mill-Ministru għal Għawdex Justyne Caruana u s-Segretarju Parlamentari għall-Fondi Ewropej u Djalogu Soċjali Aaron Farrugia.

Il-Ministru Caruana qalet li permezz ta’ dawn il-fondi Ewropej ġodda se tingħata spinta lill-pajsaġġ rurali f’Għawdex billi se jsir tindif tal-widien mid-debris, restawr ta’ ħitan tas-sejjieħ u sistemi ta’ lqugħ tal-ilma.

Żiedet tgħid li aspett ieħor ta’ benefiċċju mit-tindif tal-widien hu li l-ħażna tal-ilma miżmuma fil-widien hi utilizzata mill-bdiewa biex isaqqu l-uċuħ tar-raba’ tagħhom u b’hekk qed tiġi eliminata l-estrazzjoni tal-ilma mill-ilma tal-pjan.

Dr Caruana qalet li dalwaqt se jiġi ppubblikat it-tender biex madwar 30 km ta’ ħitan tas-sejjieħ jiġu restawrati jew mibnija mill-ġdid. Dan ir-restawr se jikkontribwixxi lejn iż-żieda fil-medda tal-populazzjoni tal-ispeċi endemiċi li jgħixu fil-ħitan tas-sejjieħ.

Is-Segretarju Parlamentari għall-Fondi Ewropej u Djalogu Soċjali Aaron Farrugia qal li l-industriji tal-agrikoltura u tal-iżvilupp rurali huma żewġ pilastri importanti għal Għawdex u kien għalhekk li qed isir dan l-investiment kbir ta’ fondi Ewropej f’Għawdex li hu bla preċedent.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar