Lokali
Tinfetaħ Dar l-Abilità għal persuni b’diżabilità fil-Kalkara b’investiment ta’ €600,000

Inawgurata fil-Kalkara dar residenzjali fil-komunità għal ħajja indipendenti ta’ persuni b’diżabilità; il-ħames waħda minn għaxra li l-pajjiż se jkollu bħala parti mill-proġett tal-Gvern imsejjah Soċjeta’ Ġusta.

Lawrence Schembri, li għal dawn l-aħħar 25 sena ħa ħsieb lil ħuh Mario, iħoss sens ta’ trankwillità meta jaf li ħuh issa jinsab miġbur f’Dar l-Abilità.

“Ma nistax nerfa’ r-responsabbilità kollha, jekk jinqala’ xi ħaġa dan jiġi waħdu. Għentu biex jiġi hawn għax naf li se jkun tajjeb ħafna jien tliftu.

Għal dawn l-aħħar tliet ġimgħat, Mario beda jidhra l-ambjent u qalilna li jinsab għal qalbu.

“Ngħix kuntent u l-bqija mhemm xejn inkwiet.”

Il-Gvern investa mas-sitt mitt elf ewro u bi sħab mal-Fondazzjoni Wens ġiet inawgurata Dar l-Abilità fil-Kalkara fejn se jkunu qed jgħixu sitt residenti.

Is-Segretarju Parlamentari għall-Persuni b’Diżabilità Justyne Caruana qalet li dan il-proġett għandu l-għan li jagħti ħajja ta’ kwalità lil dawn il-persuni.

“L-iskop huwa li jkollna iktar persuni b’diżabilità li jgħixu fil-komunità ħajja indipendenti fi spirtu ta’ inklużjoni sħiħa fejn qed nenfasizzaw fuq il-kwalità tal-ħajja, fuq il-ħiliet, fuq l-abilitajiet tal-persuna.”

Dr Caruana qalet li fil-ġimgħat u x-xhur li ġejjin se jinfethu ħamest idjar oħra. Hija spjegat li f’kull dar qed ikun hemm persuni tal-istess etajiet u bżonnijiet, bi programmi ta’ kura speċjalizzata għalihom.

Ħaddiema mid-Dipartiment tax-Xogħlijiet għamlu xogħlijiet biex tranġat id-dar. Is-Segretarju Permanenti tal-Ministeru għall-Infrastruttura, Christopher Cutajar, qal li l-ħaddiema tal-Gvern għamlu iktar minn elf siegħa xoghol f’dan il-progett.

Aħbarijiet Oħra
Ġurnali

The Times of Malta Fl-ewwel paġna ta’ Times of Malta nsibu ritratt dwar il-Festival Internazzjonali tal-Ikel li fetaħ ilbieraħ fl-Imdina. Storja fit-Times tgħid li Brussell wissa lil Malta li tista’…

Ekonomija

Il-grupp Malti ‘Hudson’ li għandu sittin stabbiliment fl-Ewropa u l-Afrika se jinvesti aktar minn żewġ miljun ewro fil-bini ta’ ‘distribution centre’ f’Ħal Far li mistenni jkompli jsaħħaħ il-pożizzjoni ta’ Malta…

Pulizija

Beda l-proġett pilota li se jara lill-pulizija jkunu mgħammra b’bodycams f’każijiet fejn ikun hemm bżonn ta’ evidenza ċara jekk ikun hemm attakki jew inċidenti li jkunu involuti fihom membri tal-korp….

Ambjent

Id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika javża li bħala prekawzjoni u sakemm joħroġ avviż ieħor mhux rakkomandat li jsir għawm fil-bajja ta’ Qui-Si-Sana minħabba skular ta’ ilma minn…

Aktar