Lokali
AĠĠORNAT: Droga tinstab moħbija fil-qiegħ tal-vapur fl-ilma

F’ħidma bejn il-Pulizija u Dwana nstabu mal-150 kilo droga kannabis li kienu moħbija f’qiegħ u abbord vapur tal-merkanzija rreġistrat il-Panama li kien fuq rotta li tinkludi bosta’ pajjiżi. Il-vapur daħal il-Port Ħieles tard ilbieraħ filgħaxija.

TVM jinsab infurmat li kienu l-baħrin tal-vapur stess li ssuspettaw ħażin wara li f’tankijiet fil-qiegħ tal-vapur fl-ilma sabu l-pakketti suspettużi miksija bil-plastik. Huma marru bihom għand il-Kaptan li minnufih għarraf lill-Pulizija u d-Dwana.

Mill-istħarriġ tal-Pulizija ntqal li d-droga ma jidhirx li kienet għas-suq lokali.

Bil-każ ġiet infurmata l-Maġistrat tal-Għassa, Yana Micallef Stafrace li ħatret bosta esperti biex jgħinuha fl-inkjesta.