Kronaka
Tinqaleb bil-karozza wara li ħabtet ġo vann

Tfajla ta’ 18-il sena minn Birkirkara, ilbieraħ bil-lejl ħelsitha ħafif wara li nqalbet bil-karozza li kienet qed issuq.

L-inċident seħħ għall-ħabta tal-11.15pm, fi Triq ix-Xatt, f’Tal-Pieta. It-tfajla kienet qed issuq Kia Piccanto, mid-direzzjoni tal-Belt lejn l-Imsida, meta tilfet il-karozza, ħabtet ġo vann u nqalbet fuq il-ġenb tagħha.

Il-vann kien qed jinstaq minn raġel ta’ 72 sena minn Ħaż-Żebbuġ li miegħu kellu mara ta’ 68 sena minn Ħaż-Zebbuġ ukoll.

Fuq il-post minnufih marru numru ta’ pulizijai tal-RIU sabiex jagħtu l-assistenza. Iżda malli waslu sabu li t-tfajla ħarġet waħedha mill-karozza u anke ma kelliex bżonn ta’ assistenza medika. Is-sewwieq u l-passiġġier tal-vann anqas huma ma weġġgħu.

Rapport tal-inċident tħejja mill-Pulizija mill-Għassa tal-Imsida.