Barranin
Tinstab bomba fl-ajruport ewlieni tas-Sri Lanka

Tard ilbieraħ filgħaxija, fl-ajruport ta’ Colombo, fis-Sri Lanka, instabet bomba li l-awtoritajiet ikkonċernati rnexxielhom jiddiżattivaw.

Is-sejba nstabet ftit sigħat biss wara l-attakki terroristiċi li saru f’postijiet differenti fis-Sri Lanka fosthom fi knejjes u f’lukandi.

B’kollox, ilbieraħ, f’Ħadd il-Għid, saru 8 splużjonijiet li ħallew 290 persuna mejta u madwar 500 persuna oħra midruba.

S’issa ħadd ma’ refa’ r-responsabbiltà għal dawn l-attakki, għalkemm qed jingħad li ġew arrestati 24 persuni b’rabta ma’ dawn l-isplużjonijiet.

Il-Gvern tas-Sri Lanka qal li huwa maħsub li l-isplużjonijiet seħħew permezz ta’ persuni li splodew lilhom infushom.