Kurżitajiet
Tinstab duwa ġdida wara attakk tal-qalb

Grupp ta’ riċerkaturi Taljani skoprew terapija ġdida li tista’ tħaddem il-qalb ta’ persuna li tkun sofriet minn attakk tal-qalb.

It-terapija taħdem billi jsir stimolu taċ-ċelluli, b’teknika li ġiet ittestjata fuq il-ħnieżer minn grupp ta’ riċerkaturi taċ-ċentri internazzjonali ta’ Trieste u l-Iskola Sant’Anna ta’ Pisa.

L-istudju, immexxi minn Mauro Giacca u Fabio Recchia, se jwitti t-triq għal fażi ġdida ta’ trattament fil-patoloġija kardijaka.

Ix-xjenzati poġġew virus f’qalb ta’ ħanżir li sofra minn attakk tal-qalb.  Raw kif il-virus jistimola l-qalb sakemm sa xahar wara l-attakk, il-qalb reġgħet bdiet taħdem sew.

Mauro Giacca qal li dawn ir-riżultati nkisbu wara 15-il sena ta’ tentattivi, biex għall-ewwel darba r-riċerka rrendiet f’dan l-eżitu.

Ir-riċerkaturi wrew kif huwa possibbli tissewwa qalb ta’ annimal kbir bl-istess mekkaniżmu li tirriġenera l-qalb tal-ħut u s-salamander.

Jidher li jeħtieġ iktar żmien biex tiġi żviluppata din it-terapija ġdida fuq il-bniedem, tant li r-riċerkaturi qalu li jridu jiddeterminaw kemm trid tkun id-doża tal-virus fuq il-bniedem.

Il-fatt li qalb il-ħanżir hija simili għall-qalb tal-bniedem jagħmilha iktar faċli biex dawn ir-riżultati miksuba jistgħu jintużaw f’duwa għall-qalb tal-bniedem.

Aħbarijiet Oħra
Saħħa

Id-Direttur tal-Caritas, Anthony Gatt, qal li d-dibattitu dwar il-leġiżlazzjoni tal-kannabis għal skop rikreattiv mhux wieħed faċli u kollox għandu l-vantaġġi u l-iżvantaġġi tiegħu. F’konferenza tal-aħbarjiet ma’ rappreżentanti mal-Assoċjazzjoni tal-Psikjatrija, il-Fondazzjoi…

Saħħa

Fl-aġġornament ta’ kuljum dwar il-Coronavirus, is-Supretendent tas-Saħħa Pubblika, il-Professur Charmaine Gauci qalet li s’issa f’Malta saru swabs fuq 22 persuna li kellhom is-sintomi tal-virus iżda kollha rriżulataw li m’għandhomx il-Covid-19,…

Safar

Persuni li kienu qed jistennew biex imorru vaganza jista’ jkun li jibqgħu b’xiber imnieħer minħabba attivitajiet jew titjiriet li qed jiġu kkanċellati f’diversi pajjiżi bħala prekawzjoni kontra l-imxija tal-coronavirus. F’dan…

Kurżitajiet

Illejla, ‘X’sar minnhom’, jissokta bi programm ieħor, bil-għan li jqanqal xi ftit tan-nostalġija qalb it-telespettaturi ta’ Television Malta billi jerġa’ ‘jagħti l-ħajja’ lil għadd ta’ persuni lokali magħrufa, u li…

Aktar