Kronaka
BIL-FILMAT: Tinstab mejta f’darha wara 3 xhur

Il-Pulizija qed jinvestigaw is-sejba ta’ kadavru ta’ mara li kienet ilha mejta 3 xhur.

TVM huwa infurmat li l-mara hija Ingliża ta’ 69 sena li nstabet mgħottija bil-kutri fis-sodda fi stat qawwi ta’ dekompożizzjoni.

Il-Pulizija qed jinterrogaw lir-raġel tal-mara li huwa mifhum li żammha d-dar mejta. Minn informazzjoni li kiseb TVM jirriżulta li r-raġel ma għamel l-ebda rapport meta mietet u ried li jibqa’ jżommha miegħu fl-appartament.

Il-Pulizija marru fuq il-post fi Triq San Luqa fil-Qawra fl-appartament fejn tgħix il-koppja, wara li kienet ilha xi żmien ma tikkomunika bħas-soltu mal-Kummissjoni Għolja Ingliża f’Malta. Nifhmu li r-rapport li mara setgħet kienet nieqsa sar għall-ħabta tas-7p.m. Meta daħlu fl-appartament, sabu lil mara mejta fis-sodda.

Nifhmu li żewġha instab mill-Pulizija f’ħanut tax-xorb viċin tal-appartament. Huwa ttieħed l-Għassa tal-Qawra fejn ġie mitkellem fit-tul dwar dan il-każ.

F’dan l-istadju l-Pulizija mhi teskludu xejn, għalkemm jidher li setgħet mietet mewta naturali.

Il-Maġistrat tal-Għassa Yana Micallef Stafrace qed tmexxi inkjesta u ħatret diversi esperti sabiex jassistuha fl-inkjesta. L-investigazzjonijiet tal-Pulizija qed jitmexxew mis-Supretendent Mario Haber, flimkien mal-Ispettur Clayton Camilleri u s-Surġent Glen Carabott mill-Għassa tal-Qawra.

L-awtopsja, li se ssir t-Tlieta mistennija titfa’ aktar dawl fuq il-kawża tal-mewt.

Aħbarijiet Oħra
Lokali

L-għada li l-Awtorità tal-Ippjanar wettqet azzjoni ta’ infurzar fuq fl-istallel fil-Marsa fejn kienu qed joqogħdu għexieren ta’ immigranti, is-sidien tagħhom jidher li żbarazzaw l-istallel. Sadanittant, TVM huwa infurmat li 37…

Lokali

Il-Mużew tal-Katidral fl-Imdina ngħata dimensjoni ġdida għax mhux ser jibqa’ biss post fejn ikunu esebiti artifatti prezzjużi iżda ser joffri opportunità ta’ tagħlim u post fejn artisti privati jesebixxu l-arti…

Ikel

Fl-Awstralja, l-ekoloġisti qed iwissu li n-numru ta’ kangaroos fis-selvaġġ m’għadux sostenibbli u qed iħeġġu lill-Awstraljani biex jieklu aktar laħam ta’ dan l-annimal li hu simbolu nazzjonali ta’ dan il-pajjiż imbiegħed….

Kultura

Għaddej b’ritmu mgħaġġel ix-xogħol ta’ restawr fil-Palazz tal-Gran Mastru fil-Belt fejn qed isir restawr fuq is-soqfa tal-kurituri u li huma mogħnija bil-pitturi. Ix-xogħlijiet ta’ restawr ser jiffukaw ukoll fuq l-art…

Aktar