Lokali
Tintemm b’wiċċ il-ġid il-ġirja wara li waqa’ reffiegħ f’Ħal Qormi

“U lil Ġesù għidtlu… itellifilix din ix-xewqa li niġi narak… u ġejt!” Dan kien kliem Manwela li għandha 86 sena u ma fallietx irxoxt wieħed. Minn ċkunitha, tistenna bil-ħerqa l-festa tal-irxoxt fil-parroċċa ta’ San Ġorġ, f’belt twelidha: Ħal Qormi.

Manwela kienet fost folla kbira li l-Ħadd filgħodu ħarġet tiċċelebra l-Irxoxt.

Akkumpanjata mid-daqq ta’ marċi ferrieħa u valzi mill-baned, l-istatwa ta’ Kristu Irxoxt intlaqgħet b’ċapċip u b’entużjażmu meta ntrefgħet mir-reffiegħa tul ir-rotta. Sakemm qrib nofsinhar wasal il-mument tant mistenni mill-folla miġbura quddiem il-Knisja.

Il-ġirja mhix mument faċli għar-reffiegħa, speċjalment meta bħal dan il-każ jibqgħu lebsin il-konfratija. Għal mument l-istatwa tilfet lil wieħed mir-reffiegħa taħt il-lasti, iżda l-ġirja ntemmet b’wiċċ il-ġid.

U bi spirtu trijonfali l-istatwa tal-irxoxt daħlet lura fil-Knisja u kulħadd inġabar għall-ikla!

Aħbarijiet Oħra
Lokali

L-Għaqda Inħobbu l-Gżira, li hija vuċi kontra l-iżvilupp fuq Manoel Island, qalet li minkejja l-petizzjoni li ressqet quddiem il-Kumitat tal-Petizzjonijiet bi 8,487 firma, din għadha ma ġietx diskussa fil-Parlament. Fi stqarrija qalet…

Lokali

Il-Gvern fi stqarrija ċaħad rapporti li xxandru fuq mezzi oħrajn tax-xandir u li anke ġew kwotati minn xi membri tal-Oppożizzjoni, dwar żidiet fil-pagi tal-membri tal-Kabinett. Fl-istqarrija l-Gvern qal li dawn…

Għawdex

Ċifri li kiseb TVM juru li nhar Santa Marija, il-kumpanija Gozo Channel operat mad-90 vjaġġ, żieda ta’ 14-il vjaġġ fuq l-istess jum is-sena l-oħra. B’kollox nhar il-Ħamis qasmu lejn Għawdex…

Aktar